Իրանում 4 ամսում արևային էներգիայի արտադրությունը աճել է 71 տոկոսով

Իրանի վերականգնվող էներգիայի և էներգաարդյունավետության կազմակերպությունը (SATBA) հայտնել է, որ իրանական տարվա առաջին չորս ամիսներին՝ սկսած մարտի 20-ից, արևային էլեկտրակայաններում էլեկտրաէներգիայի արտադրությունը աճել է 71%-ով՝ նախորդ տարվա նույն ժամանակահատվածի համեմատ: SATBA-ի ղեկավար Մոհսեն Թարզթալաբը նշել է, որ արևային էներգիայի արտադրությունը աճել է 357 միլիոն կիլովատտ/ժամից մինչև 610 միլիոն կիլովատտ/ժամ, իսկ հողմային էներգիայի արտադրությունը՝ 413 միլիոն կիլովատտ/ժամից մինչև 432 միլիոն կիլովատտ/ժամ:

Իրանում վերականգնվող էներգիայի աղբյուրների տեղակայված հզորությունը հասել է 1868 մեգավատտի՝ նախորդ տարվա հուլիսի վերջին գրանցված 1232 մեգավատտի համեմատ: Վերջին մեկ տարվա ընթացքում շահագործման են հանձնվել 636 մեգավատ հզորությամբ նոր էլեկտրակայաններ: Ներկայումս վերականգնվող էներգիայի աղբյուրները կազմում են երկրում էլեկտրաէներգիայի ընդհանուր արտադրության 1.9%-ը:

Թարզթալաբը հայտնել է, որ մշակվել և հաստատվել է վերականգնվող էներգիայի զարգացման ծրագրի առաջին փուլը՝ 7000 մեգավատտ հզորությամբ, հիմնականում արևային էներգիայի վրա հիմնված, որն ուղղված է երկրում էլեկտրաէներգիայի պակասուրդի կրճատմանը: Նա հավելել է, որ մինչև տարեվերջ Իրանի էներգետիկ բալանսում վերականգնվող էներգիայի աղբյուրների մասնաբաժինը կգերազանցի 5%-ը՝ երկիրը բնութագրելով որպես «հսկայական շինհրապարակ» մաքուր էներգետիկայի նախագծերի համար: Նրա խոսքով, առաջիկա շաբաթներին այս ոլորտում տեղի կունենա «իսկական հեղափոխություն»:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]