Հայաստանի Հանրապետությունը վերածվել է բանկային օլիգարխիայի պահակախմբի. Հրայր Կամենդատյան

Սա պատահական վիճակագրություն չէ․ սա իշխանության ծրագրավորված քաղաքականություն է։ Տարիներ շարունակ մարդիկ վարկերի ու տուգանքների ճանկերում են, իսկ պետությունը ոչ միայն չի պաշտպանում, այլ դառնում է բանկերի հիմնական «գործավարը»։ ԴԱՀԿ-ի ծանրաբեռնվածության զգալի մասը ուղղակիորեն կապված է բանկերի պահանջների կատարման հետ։

 

Ավելին՝ իշխանությունները բյուջեի միջոցները օգտագործում են անհուսալի վարկառուների պարտքերի մարում համար, փաստորեն հարկատուների փողերով փրկելով բանկերի շահույթը։ Այսինքն՝ ժողովուրդը երկակի անգամ է վճարում․ նախ՝ իր վարկերի և տուգանքների համար, հետո էլ՝ որպես հարկատու, որ բանկերի սեփականատերերը չկորցնեն իրենց եկամուտները։

 

Փաստորեն, Հայաստանի Հանրապետությունը վերածվել է բանկային օլիգարխիայի պահակախմբի, իսկ իշխանությունը՝ մանկապարտեզի խնամողին, որը հոգ է տանում ոչ թե ժողովրդի, այլ ֆինանսական «մանուկների»՝ բանկերի տերերի մասին։

 

Սա այլևս տնտեսական խնդիր չէ․ սա խորացող սոցիալական անդունդ է, որտեղ պետությունը և բանկերը ձեռք ձեռքի տված կեղեքում են սեփական ժողովրդին։

 

Պատկերը լրիվ ամբո ղջանում է երբ պետությունը բանկերի անհուսալի վարկերը փոխհատուցում է պետական բյուջեի միջոցներով։