ԱՊՀ ՆԳՆ խորհդրի նիստում քննարկել են ՏՀՏ միջոցով կատարվող հանցագործությունների դեմ պայքարի խնդիրները
Օգոստոսի 12-ին Սանկտ-Պետերբուրգում տեղի է ունեցել ԱՊՀ մասնակից պետությունների ներքին գործերի նախարարների խորհրդի հերթական նիստը, որին մասնակցել է ՆԳՆ ոստիկանության պետ-ներքին գործերի նախարարի տեղակալ Արամ Ղազարյանի գլխավորած պատվիրակությունը, հայտնում են ՆԳՆ-ից։
Օրակարգում ընդգրկված էին տեղեկատվական տեխնոլոգիաների կիրառմամբ կատարվող հանցագործությունների դեմ պայքարում ԱՊՀ մասնակից պետությունների ՆԳ նախարարությունների տեղեկատվական փոխգործակցության զարգացման հայեցակարգի նախագծի, ինչպես նաև անօրինական միգրացիայի դեմ պայքարում փոխգործակցության, փորձաքրեագիտության ոլորտում համագործակցության արդյունավետության բարձրացման, միջպետական հետախուզում իրականացնելու վերաբերյալ իրավասու մարմինների կանոնակարգում փոփոխություն կատարելու և այլ հարցեր։
Արամ Ղազարյանն, ԱՊՀ մասնակից-պետությունների ներքին գործերի նախարարությունների համագործակցության առաջնային հարցերի քննարկման և հանցավորության դեմ պայքարի ոլորտում միջպետական ծրագրերի կատարման ընթացքի վերաբերյալ հարցի շրջանակում, անդրադարձել է ապօրինի թմրաշրջանառության հակազդման ոլորտում համագործակցության խնդիրներին և առաջարկել դիտարկել ոլորտային համագործակցության մեխանիզմների մշակումը՝ ինչպես «Telegram» հարթակի, այնպես էլ կրիպտոարժույթների ծառայությունների հիմնական մատակարարների հետ։
Քննարկման առարկա են դարձել տեղեկատվական տեխնոլոգիաների միջոցով կատարվող հանցագործությունների դեմ պայքարին վերաբերող խնդրահարույց հարցեր։
Առաջարկվել է այս ուղղությամբ ևս խորացնել համագործակցությունը, ինչպես նաև ակտիվացնել հանցավոր ճանապարհով ձեռք բերված գույքի և եկամուտների օրինականացման մեթոդների և ձևերի դեմ պայքարի վերաբերյալ տեղեկատվության փոխանակումը։
Օրակարգում ընդգրկված 12 հարցերով ընդունվել են համապատասխան որոշումներ:
Այցի շրջանակում ՆԳՆ ոստիկանության պետ-ներքին գործերի նախարարի տեղակալ Արամ Ղազարյանը մյուս մասնակիցների հետ հարգանքի տուրք է մատուցել Երկրորդ աշխարհամարտի և Լենինգրադի շրջափակման ընթացքում զոհվածների հիշատակին՝ ՀՀ ՆԳ նախարարության անունից ծաղկեպսակ դնելով Պիսկարյովյան հուշահամալիրում։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ