Քաղաքական բանտարկյալների առկայությունը Հայաստանում խորը հարված է հասցնում երկրի հայտարարված ժողովրդավարական տեսլականին և եվրոպական ձգտումներին
Համաշխարհային խոշորագույն քաղաքական ընտանիքներից մեկը, որի անդամ է Հայաստանի Հանրապետական կուսակցությունը, կրկին անդրադարձել է Հայաստանում քաղաքական բանտարկյալների խնդրին.
«Կենտրոնամետ դեմոկրատների միջազգային միությունը (IDC-CDI) արձանագրում է Հայաստանի Հանրապետական կուսակցության փոխնախագահ, քաղաքական բանտարկյալ Արմեն Աշոտյանի արձակումը՝ ավելի քան քսանհինգ ամսվա քաղաքական դրդապատճառներով պայմանավորված կալանքից հետո։
IDC-CDI-ն մի քանի առիթներով հրապարակավ կոչ է արել նրան անհապաղ ազատ արձակել՝ դատապարտելով նրա դեմ ներկայացված մեղադրանքների կեղծ բնույթը և դատավարական ընթացակարգերի բացակայությունը, ինչի վրա ուշադրություն են հրավիրել նաև միջազգային կազմակերպություններ, այդ թվում՝ Եվրոպայի խորհրդի Խորհրդարանական վեհաժողովը (ԵԽԽՎ) և Freedom House-ը, որոնք փաստագրել են Հայաստանի դատական համակարգի քաղաքականացումը և կոռուպցիան։
Պարոն Աշոտյանի ազատ արձակումը դրական քայլ է, սակայն նրա նկատմամբ կիրառված արհեստական սահմանափակումները, մասնավորապես՝ չարդարացված ելքի արգելքը, շարունակում են խոչընդոտել նրա քաղաքական գործունեության և հիմնարար ազատությունների լիարժեք իրականացմանը։
Հետևաբար, IDC-CDI-ն շարունակում է մտահոգված լինել երկրում քաղաքական հետապնդումների ավելի լայն համատեքստով և կշարունակի ուշադիր հետևել նրա գործին՝ համոզվելու, որ բոլոր իրավական գործընթացներն իրականացվում են թափանցիկ, անկողմնակալ և քաղաքական միջամտությունից զերծ պայմաններում։
Քաղաքական բանտարկյալների առկայությունը Հայաստանում խորը հարված է հասցնում երկրի հայտարարված ժողովրդավարական տեսլականին և եվրոպական ձգտումներին։
IDC-CDI-ն վերահաստատում է իր հանձնառությունը՝ պաշտպանելու օրենքի գերակայությունը, պահպանելու ժողովրդավարական ազատությունները և պաշտպանելու բոլոր քաղաքական բանտարկյալների իրավունքները ողջ աշխարհում»։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ