Աֆրիկան ռեկորդային ծավալով արևային վահանակներ է գնել Չինաստանից

Այս տարի Աֆրիկայի երկրները Չինաստանից զգալիորեն ավելի շատ արևային վահանակներ են գնել, քան նախորդ տարի։ Միայն 2025 թվականի մայիսին մայրցամաքի երկրները ընդհանուր առմամբ ներմուծել են 1,57 ԳՎտ հզորությամբ արևային վահանակներ, ինչը պատմական առավելագույն ցուցանիշ է։ Ember-ի գլոբալ էներգետիկ կենտրոնի գլխավոր վերլուծաբան Դեյվ Ջոնսը նշել է, որ այս թռիչքը պայմանավորված է գրեթե երկու տասնյակ փոքր պետությունների ակտիվ մասնակցությամբ։

2025 թվականի հունվարից մայիս ընկած ժամանակահատվածում առնվազն 22 աֆրիկյան երկրներ ներմուծել են ավելի շատ արևային վահանակներ, քան 2024 թվականի նույն ժամանակահատվածում։ Այդ երկրների մեծ մասը ներմուծել է նույնիսկ երկու անգամ ավելի շատ արտադրանք։ Օրինակ՝ Ալժիրը այս տարվա առաջին կիսամյակում ներմուծել է 0,76 ԳՎտ հզորությամբ արևային վահանակներ, ինչը 6300%-ով ավելի է, քան նախորդ տարի։ Ավելի քիչ զարգացած երկրներ, ինչպիսին է Չադը, ներմուծել են բավարար քանակությամբ արևային վահանակներ՝ փոխարինելու էներգիայի արտադրության գոյություն ունեցող բոլոր հզորությունները։

Միջազգային էներգետիկ գործակալությունը հայտնել է, որ աշխարհում արևային վահանակների ավելի քան 80%-ը արտադրվել է Չինաստանում։ Երկիրը գերիշխում է այս ոլորտում՝ շնորհիվ պետական սուբսիդիաների, արտադրության մասշտաբի խնայողության և տեղական ընկերությունների կողմից ներդրվող տեխնոլոգիական կատարելագործումների։ Սակայն մինչ վերջերս այդ արտադրանքի հիմնական մասը մատակարարվում էր Եվրոպա, Հյուսիսային Ամերիկա և Ասիայի այլ երկրներ։ Աֆրիկյան երկրներին վաճառքի ընդհանուր ծավալը դեռևս համեմատաբար փոքր է։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]