Ռուսաստանը չի վերադարձնի իր ակտիվները, քանի դեռ չի վճարել ռազմատուգանքները․ Կայա Կալաս
ԵՄ արտաքին գործերի նախարար Կայա Կալասը շաբաթ օրը հայտարարել է, որ «անհնար է պատկերացնել Ուկրաինայի պատերազմի պատճառով դաշինքի շրջանակներում սառեցված ռուսական ակտիվների վերադարձը, քանի դեռ Մոսկվան չի վճարել ռազմատուգանքները», հաղորդում է Reuters-ը։
«Մենք չենք կարող պատկերացնել, որ... եթե... հրադադարի կամ խաղաղության համաձայնագիր կնքվի, այդ ակտիվները կվերադարձվեն Ռուսաստանին, եթե նրանք չվճարեն ռազմատուգանքները», - ասել է նա լրագրողներին՝ Կոպենհագենում ԵՄ արտգործնախարարների հանդիպումից առաջ։
ԵՄ-ն հայտարարում է, որ ուկրաինական պատերազմի համար Մոսկվայի դեմ սահմանված պատժամիջոցների շրջանակում մոտ 210 միլիարդ եվրոյի ռուսական ակտիվներ են սառեցվել։
Ուկրաինան և ԵՄ որոշ երկրներ, այդ թվում՝ Լեհաստանն ու Բալթյան երկրները, կոչ են արել ԵՄ-ին բռնագրավել ակտիվները և դրանք օգտագործել Կիևին աջակցելու համար։ Սակայն ԵՄ ծանրակշիռ խաղացողներ Ֆրանսիան և Գերմանիան, ինչպես նաև Բելգիան, որին է պատկանում ակտիվների մեծ մասը՝ մերժել են նման կոչերը։
Նրանք մատնանշել են, որ ԵՄ-ն այդ ակտիվների ապագա շահույթը հատկացրել է Ուկրաինային տրամադրված աջակցությունը մարելու համար և հարցականի տակ է դրել դրանց բռնագրավման իրավական հիմքերի առկայությունը։
Դիվանագետները նշում են, որ ներկայումս քննարկվում է այն հարցը, թե ինչպես կարող են այդ միջոցներն օգտագործվել Ուկրաինայում պատերազմի ավարտից հետո։
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
Սևանում բախվել է 4 մեքենա․ կան վիրավnրներ
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...