Տեղի է ունենում ջրի այլ նպատակային օգտագործում, գործում է կոռուպցիոն սխեմա․ Ջերմուկի բնակիչ
Ջերմուկ համայնքի բնակիչ Շիրակ Բունիաթյանն ահազանգում է․
«Այս տեսանյութում հստակ երևում են ջրցան մեքենաներ, որոնք լիցքավորվում են իսկ մյուս կադրերում էլ երևում են փոշու նստեցման համար ջրում հողային ճանապարհներին։
Իսկ հիմա մի փոքր մանրամասնեմ։
Մեքենաները լիցքավորվում են Կեչուտի ջրամբարից սկիզբ առնող և Վայոց ձորի որոշ գյուղերի համար նախատեսված ջրագծից։
Այդ ջրագծից նաև ոռոգման համար ջուր է հատկացված Գնդեվազ գյուղին։
Իմ տեղեկություններով ինչպես մյուս բաժանորդները, այնպես էլ Լիդիան ընկերությունը ունի ոռոգման նպատակով ջրօգտագործման թույլտվություն։
Իսկ այս կադրերում հստակ երևում է, որ տեղի է ունենում ջրի այլ նպատակային օգտագործում։
Իմ տեղեկություններվ ՀՀ բնապահպանության և ընդերքի տեսչական մարմին/EPMIB- ը ստուգման արդյունքում բացահայտվել էր կոռուպցիոն սխեմա ու նյութերն ուղարկվել էին Պետական Վերահսկողության Ծառայություն:
Բացի նրանից, որ իրենք չունեն այդ իրավունքն ու թույլտվությունը, այդ գործողության հետևանքով առաջանում են բազմաթիվ խնդիրներ։
Նշեմ կարևորներից երկուսը։
Նախ մեծ քանակի ջուր վերցնելու հետևանքով Կեչուտի ջրամբարից այդ ջրագծին նախատեսվածից ավելի շատ ջուր է տրամադրվում, այդպիսով խիստ նվազեցնելով դեպքի Սևան գնացող ջրի քանակը։ Ինչպես նաև Արփա գետով այլևս շատ քիչ ջուր է հոսում ազդելով Արփաի հովտի բնության վրա։
Ջերմուկի «Մամարզա» կոչվող տարածքում Արփա գետը վերածվել է փոքրիկ վտակի և տեսանելի են ափամերձ շրջանում արդեն իսկ չորացող ծառերն ու թփուտները։
Ես որպես ՀՀ քաղաքացի տեսնելով սա հրապարակում եմ և դիմում եմ ՀՀ բնապահպանության և ընդերքի տեսչական մարմնին, որպեսզի պարզաբանի նշածս խնդիրները։
Դիմում եմ նաև «Եղեգնաձոր» ՋՕԸ-ին, քանի որ իմ տեղեկություններով այդ ջրագիծը իրենց ենթակայության ներքո է գտնվում։
Նաև տեղյակ եմ, որ այդ ընկերությանը Արփա գետից այլ նպատակների համար տրվել է ջրօգտագործման թույլտվություն, ըստ որի պետք է կառուցվի պոմպակայան և Արփայի կիրճից ջուրը մղվի դեպի իրենց տարածք։
Տեսանելի է, որ մեկնարկել է ջրագծի կառուցման աշխատանքները, բայց դրանք դեռ վաղ փուլերում են և ջրագիծն ու պոմպակայանը պատրաստ չեն շահագործման»։
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Անհավասար պայքարի հետքերով. ի՞նչ արձանագրեցին վերջին ՏԻՄ ընտրությունները. «Փաստ»
Մեկնարկում է հայտերի ընդունումը․ «Հայ Վիրտուոզներ» միջազգային ակադեմիա-փառատոն 2027
Հայաստանում գյուղատնտեսությունն այս տարի շեշտակի անկում է ապրել. Նարեկ Կարապետյան
Հանքարդյունաբերությունը և կենսաբազմազանության պահպանումը․ քննարկում COP17-ի շրջանակում
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Իսրայելական ընտրությունների արդյունքները որոշում են խորհրդարանի կազմը, բայց չեն երաշխավորում նոր կառ...