Փաշինյանի և Ալիևի ստորագրած փաստաթղթերը խաղաղություն չեն բերի Հարավային Կովկասին․ Արա Աբրահամյան
Օգոստոսի 8-ին Վաշինգտոնում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի կողմից ստորագրված փաստաթղթերը իրավական ուժ չունեն և խաղաղություն չեն բերի Հարաային Կովկասին։ Այս մասին ՏԱՍՍ-ի հետ զրույցում հայտարարել է Ռուսաստանի հայերի միության նախագահ Արա Աբրահամյանը։
«Ես նայեցի, թե ինչ են Ալիևն ու Փաշինյանը ստորագրել (ԱՄՆ նախագահ Դոնալդ) Թրամփի ներկայությամբ։ Թրամփը պարզապես վկայեց, որ այո, նրանք ստորագրել են այն իր ներկայությամբ, ուրիշ ոչինչ։ Ամերիկան որևէ պատասխանատվություն չի կրում։ Այս թուղթը որևէ դեր չի խաղում և որևէ խաղաղություն չի բերի», – ասել է Աբրահամյանը։
ՌԴ հայերի միության ղեկավարի խոսքով, Հայաստանը շահագրգռված է, որպեսզի այդ համաձայնագրերը լինեն իրավաբանորեն պարտադիր։
«Սակայն այս փաստաթղթերը որևէ իրավական դեր չեն խաղում։ Սա շատ կարևոր է։ Բոլոր փաստաթղթերը, որոնք Փաշինյանը ստորագրել է։ Համաձայնագրերը պետք է լինեն իրավաբանորեն պարտադիր, միջազգային իրավաբանները պետք է աշխատեն այդ փաստաթղթերի վրա, պետության շահերը պետք է պաշտպանվեն։ Սա նշանակում է, որ Փաշինյանը չի պաշտպանում իր պետության շահերը», – նշել է Աբրահամյանը՝ հավելելով, որ ԱՄՆ-ն և Ադրբեջանը ներկայումս շահում են Վաշինգտոնում ստորագրված հռչակագրից։
«ԱՄՆ նախագահ Թրամփը հաղթեց, քանի որ հայտարարեց. տեսեք, ես դադարեցրի պատերազմը, նրանք 35 տարի կռվեցին։ Եվ երկրորդ հաղթողը Ադրբեջանն է, նա ստացավ այն, ինչ պետք է ստանար»,- ասել է Աբրահամյանը։
Հիշեցնենք՝ Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ԱՄՆ նախագահ Դոնալդ Թրամփի մասնակցությամբ ստորագրել են մի փաստաթուղթ, ըստ որի Հայաստանի Սյունիքի մարզում ստեղծվում է այսպես կոչված «Թրամփի ուղի», որը պետք է անխոչընդոտ միացնի Ադրբեջանի հիմնական հատվածը Նախիջևանի հետ։
Փաստաթղթում գրված է, որ այդ ճանապարհը լինելու է Հայաստանի տարածքային ամբողջականության և ինքնիշխանության մաս, սակայն դեռևս հասկանալի չէ, թե ինչ մաքսային ու սահմանային հսկողություն են անցնելու այնտեղով անցնող բեռները։ Սա է նաև պատճառը, որ ընդդիմությունն ու մեծ թվով փորձագետներ մեղադրում են Փաշինյանին Բաքվին ամերիկյան հսկողությամբ միջանցք փոխանցելու մեջ։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ