Ադրբեջանը պատրաստակամություն է հայտնել շարունակել օգնել Ուկրաինային՝ «ի պատասխան ռուսական հարձակումների սպառնալիքների»
Ուկրաինայի էներգետիկայի նախարար Սվիտլանա Գրինչուկը առցանց հանդիպում է ունեցել Ադրբեջանի էներգետիկայի նախարար Պարվիզ Շահբազովի հետ։ Հեռախոսազրույցի մասին հայտնել են Ուկրաինայի էներգետիկայի նախարարությունից։
Քննարկվել են Ուկրաինայի էներգետիկ համակարգում ստեղծված իրավիճակը և «ռուսական հրետակոծության հետևանքները»։
«Չնայած զանգվածային հրետակոծությանը, Ուկրաինան պատրաստվում է ջեռուցման սեզոնին. մենք վերականգնում ենք ենթակառուցվածքները, վերանորոգում սարքավորումները և ձևավորում պահուստներ։ Ջեռուցման սեզոնի նախապատրաստական աշխատանքներն ընթանում են ըստ հստակ ժամանակացույցի, ներառյալ սարքավորումների արդիականացումը, կարևորագույն ռեսուրսների պահուստավորումը և կանխարգելիչ աշխատանքների իրականացումը»,- նշել է Սվիտլանա Գրինչուկը։
Նա Ադրբեջանին շնորհակալություն է հայտնել վերջերս մարդասիրական օգնության մատակարարման համար, նշելով, որ այն արժեքավոր աջակցություն էր Ուկրաինայի էներգետիկ ոլորտին։
Շահբազովը «հաստատել է Ուկրաինային հետագա օգնություն ցուցաբերելու պատրաստակամությունը՝ ի պատասխան ռուսական հարձակումների սպառնալիքների»։
Հանդիպման ընթացքում զրուցակիցներն ուրվագծել են ապագայի ընդհանուր առաջնահերթությունները և թարմացրել երկրների միջև համագործակցության ճանապարհային քարտեզը։ Քննարկվել են գազի մատակարարման աղբյուրների և երթուղիների դիվերսիֆիկացման, Տրանսբալկանյան գազային միջանցքի զարգացման, ինչպես նաև նավթամթերքի արտահանման/ներմուծման հնարավորությունների հարցերը։
Գրինչուկն ընդգծել է ադրբեջանական ընկերություններին Ուկրաինա ներգրավելու կարևորությունը՝ թե՛ որպես սարքավորումների մատակարարներ, թե՛ որպես ներդրողներ։
«Ես անկեղծորեն շնորհակալություն եմ հայտնում Ադրբեջանին Ուկրաինային ցուցաբերած աջակցության՝ միջկառավարական հանձնաժողովի արդյունավետ աշխատանքի, համատեղ էներգետիկ նախագծերի, ինչպես նաև արդեն 43 միլիոն դոլարը գերազանցած մարդասիրական օգնության համար, որից գրեթե 12 միլիոն դոլարն ուղղվել է էներգետիկ ոլորտի կարիքներին»,- ընդգծել է Գրինչուկը։
Ուկրաինան և Ադրբեջանը համաձայնել են մշտական կապ պահպանել՝ համապատասխան տեղեկություններ փոխանակելու և հետագա համագործակցությունը զարգացնելու համար։
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
ՀՀ-ում առաջին անգամ Քաջարան-Ագարակ հատվածում կամուրջների հեծանները մոնտաժվում են կախովի հեծանատեղադր...
«Ժողովուրդ» . «Ուժեղ Հայաստան»-ը պատրաստվում է առաջին քաղաքական մարտերին. Փակ հանդիպում ղեկավարի հետ
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից