Ucom-ը գործարկում է 5G ցանցը Բյուրեղավան, Ճամբարակ, Վայք և Արտաշատ քաղաքներում
Ucom-ն ընդլայնում է իր 5G ցանցը ևս չորս քաղաքներում՝ Բյուրեղավանում, Ճամբարակում, Վայքում և Արտաշատում։ Արդյունքում, ընկերության ամենալայն 5G ծածկույթը հասանելի է արդեն 42 քաղաքներում, տասնյակ բնակավայրերում, ինչպես նաև Մայլեռ Մաունթին Ռեզորթում, Երևան–Դիլիջան մայրուղու երկայնքով, Բագրատաշեն, Բավրա և Ագարակ սահմանային անցակետերում։ Այսօր արդեն Հայաստանի բնակչության ավելի քան 91 տոկոսը հնարավորություն ունի օգտվելու արագ ու հուսալի շարժական ինտերնետից։
Վերջին տարիներին ենթակառուցվածքների արդիականացումը Ucom-ի հիմնական առաջնահերթություններից է։ Նորագույն լուծումների ներդրման շնորհիվ բաժանորդները կարող են վայելել բարձրորակ տեսազանգեր, իրական ժամանակում կիսվել մեծածավալ տվյալներով և լիարժեք օգտվել նոր սերնդի խելացի տեխնոլոգիաներից։
«Մենք շարունակաբար իրականացնում ենք ենթակառուցվածքների արդիականացման ծրագրեր, որի շնորհիվ արդեն Բյուրեղավանի, Ճամբարակի, Վայքի և Արտաշատի բնակիչներն էլ միանում են մեր 5G ցանցի ընդլայնվող համայնքին։ Հայաստանում ունենալով ամենալայն 5G ծածկույթը՝ Ucom-ը պատրաստ է շարունակել այս զարգացումը՝ ապահովելով մեր բաժանորդների համար առաջատար թվային փորձառություն և բարձրորակ կապ», - նշել է Ucom-ի գլխավոր տնօրեն Ռալֆ Յիրիկյանը։
Բացի շարժական ցանցի զարգացումից, Ucom-ը մեծ ներդրումներ է իրականացնում նաև ֆիքսված կապի ոլորտում՝ բարելավելով ինտերնետի և հեռուստատեսության որակը։ Ընկերության տեխնիկական թիմը մշտապես տեղադրում է նոր կայաններ և ներդնում պահուստային համակարգեր՝ ապահովելով ծառայությունների անխափանությունը։
Շարունակվող լայնածավալ արդիականացման արդյունքում Ucom-ի բաժանորդները ստանում են ոչ միայն ավելի արագ, այլև միջազգային հեռահաղորդակցական ստանդարտներին համահունչ, հուսալի կապ։
Ֆիքսված և շարժական կապին հասանելիություն ունեցող քաղաքների ցանկի, ինչպես նաև 5G ցանցի մասին ավելի մանրամասն տեղեկություններ կարող եք գտնել ընկերության պաշտոնական կայքում։




















ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է