«Պռախադնոյ դվոռ» թուրք-ադրբեջանական նարատիվները տարածելու համար
Երևանում երեկ կայացած ՆԱՏՕ-ի սեմինարը հերթական հնարավորություն է դարձել Թուրքիայի և Ադրբեջանի համար իրենց ձեռնտու նարատիվները հենց Հայաստանի տարածքում տարածելու նպատակով, իսկ փաշինյանական իշխանությունը որևէ հակընդեմ քայլ չի արել։ Ավելին՝ թույլ է տվել, որպեսզի թշնամական նարատիվները հնչեն հենց Հայաստանում՝ պաշտոնական միջոցառմանը, միջազգային պատվիրակությունների աչքի առջև։
ՆԱՏՕ-ի խորհրդարանական վեհաժողովի 108-րդ Ռոուզ Ռոթ սեմինարը երեկ կայացել է Երևանում, և դրան մասնակցել են թուրքական ու ադրբեջանական պատվիրակություններ։
Թուրքիայի պատվիրակ Ֆաթմա Աքսալը հայտարարել է, թե նոր էջ է բացվում հարաբերությունների կարգավորման և ավելի զարգացման համար։ Հայտարարել է, թե Թուրքիան քաջալերում է խաղաղության գործընթացի մեկնարկը Հայաստանի և Ադրբեջանի միջև, և բոլորը օգուտ կքաղեն խաղաղությունից։ Իսկ լրագրողների դիտարկմանը, թե արդյոք Թրամփի ուղին որպես Զանգեզուրի միջանցք ներկայացնելով, Անկարան ու Բաքուն Հայաստանի նկատմամբ տարածքային պահանջ չե՞ն դնում, նա բացասական պատասխան է տվել։
Սեմինարին մասնակցող ադրբեջանցի փորձագետ Մուրադ Մուրադովն էլ կրկին վերահաստատել է Ադրբեջանի պահանջները, պնդել, թե Ադրբեջանը այլևս տարածքային պահանջներ չունի Հայաստանից, բայց Հայաստանի անկախության հռչակագրում կան տարածքային պահանջներ Ադրբեջանի նկատմամբ, և Բաքվի համար կարևոր է, որ դրանք վերացվեն։ Ավելին, Բաքվում գործող վերլուծական կենտրոնի ղեկավարը պնդում է, որ եթե Անկախության հռչակագիրը մնա Սահմանադրության նախաբանում, ստեղծվելու են հնարավոր իրավական հիմքեր խաղաղության պայմանագիրը վերանայելու համար։
Ադրբեջանական պատվիրակի այս սպառնալիքներին որևէ արձագանք հայկական կողմից չի հնչել։ Փաշինյանական իշխանությունը խաղաղության դարաշրջան է քարոզում՝ թույլատրելով թշնամիներին հայտարարել իրենց սրտուզածը հենց Երևանի կենտրոնում։ Վերջիններս էլ, նշենք, ամենևին չեն քաշվում։
Նարինե Սարգսյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ