Արսեն Թորոսյանն ազատվում է նախարարության կադրերից
Նիկոլ Փաշինյանը որոշում է ստորագրել՝ Ռուբեն Սարգսյանին ազատելով աշխատանքի և սոցիալական հարցերի նախարարի տեղակալի ժամանակավոր պաշտոնակատարի պաշտոնից։ Կառավարության տարածած տեղեկատվության մեջ չի նշվում որևէ պատճառ, թե ինչու է Ռուբեն Սարգսյանն ազատվել փոխնախարարի պաշտոնից։ Հայտնի չէ՝ իր դիմումի համաձայն է ազատվե՞լ, թե՞ հենց Փաշինյանի ցանկությամբ։
Ավելի վաղ 1or.am-ը հայտնել էր, որ նախարարի պաշտոնում Արսեն Թորոսյանի նշանակումը լուրջ խմորումներ է առաջացրել Աշխատանքի և սոցիալական հարցերի նախարարությունում։ Շատերը վստահ են, որ Թորոսյանը հատկապես բարձրաստիճան պաշտոնյաներից ազատվելու է՝ նրանց փոխարեն իր մտերիմներին և ընկերներին նշանակելով։ Առանց այն էլ նույնիսկ ՔՊ-ի նշանակած փոխնախարարները մեծ խանդավառությամբ չեն ընդունել Արսեն Թորոսյանի նշանակումը նախարարի պաշտոնում։
Ռուբեն Սարգսյանն առաջին ծիծեռնակն էր, որ հրաժեշտ տվեց իր պաշտոնին։ Մեր աղբյուրների փոխանցմամբ, հրաժարական տալու ցանկություն ունեն նաև փոխնախարարներ Աննա Ժամակոչյանն ու Դավիթ Խաչատրյանը։ Միակ փոխնախարարը, որ համաձայն է աշխատել Արսեն Թորոսյանի հետ և առանձնապես խնդիրներ չունի այդ առումով, Տաթևիկ Ստեփանյանն է։
Ինքը Թորոսյանը գալով նախարարություն, զգուշացրել է, որ վերից վար «փրթելու» է, կադրային զտումներ է իրականացնելու։ Աշխատանքի և սոցիալական հարցերի նախարարությունը եզակի կառույցներից էր գործադիրում, որտեղ բազմաթիվ ընդդիմադիրներ են աշխատում թե՛ վարչության պետերի, թե՛ բաժնի պետերի, ինչպես նաև առաջատար ու կրտսեր մասնագետների պաշտոններում, և այդ մարդիկ երբեք չեն քաշվել իրենց քաղաքական նախընտրությունները ցուցադրել։
Առողջապահության նախարարությունը ժամանակին քանդած Արսեն Թորոսյանն էլ այժմ ինքնամոռաց տրվելու է Աշխատանքի և սոցիալական հարցերի նախարարությունը քանդելու գործին։
Սոնա Մարգարյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ