Գազայում իսրայելական հարձակման հետևանքով զոհվել է ևս 29 պաղեստինցի
Գազայի բժշկական աղբյուրները հայտնել են, որ սեպտեմբերի 29-ի լուսաբացից ի վեր իսրայելական բանակի հարձակումների հետևանքով զոհվել է 29 պաղեստինցի, որոնցից 23-ը՝ Գազա քաղաքում։ «Արմենպրես»-ի փոխանցմամբ՝ այս մասին հայտնում է Al Jazeera-ն։
Գազայի առողջապահության նախարարության փոխանցմամբ՝ 2023 թվականի հոկտեմբերի 7-ից ի վեր Իսրայելի ագրեսիայի հետևանքով զոհերի թիվը հասել է 66055-ի, իսկ վիրավորների թիվը՝ 168346-ի։
Իսրայելի ավիահարվածների թիրախում են հայտնվել Գազա քաղաքի աշ-Շաֆա բժշկական համալիրի մոտակայքում գտնվող տները, Ռաֆահ քաղաքը։
Իսրայելական ուժերը հարձակումներ են իրականացնում նաև Արևմտյան ափի բնակավայրերի ուղղությամբ՝ թիրախավորելով Ռամալլահ քաղաքը, ինչպես նաև փախստականների ճամբարները։
Իսրայելական բանակը հայտարարել է Արևմտյան ափին տեղի ունեցած մարտերում զինվորականի զոհվելու մասին։
Գազա քաղաքի շտապօգնության և արտակարգ իրավիճակների ծառայությունների տնօրենն ահազանգում է, որ Գազա քաղաքում առողջապահական վիճակը չափազանց ծանր է․ քաղաքի հիվանդանոցների մեծ մասը, ինչպես նաև շտապօգնության մեքենաների 80%-ը չեն գործում։
2023 թվականին Իսրայելը Գազայի հատվածում ռազմական գործողություններ էր սկսել՝ ի պատասխան պաղեստինյան ՀԱՄԱՍ շարժման զինյալների ներխուժման, որի հետևանքով զոհվել էր գրեթե 1200 մարդ, գերեվարվել՝ շուրջ 250 մարդ։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է