Տարբեր երկրներ ողջունել են Թրամփի առաջարկը Գազայում խաղաղություն հաստատելու վերաբերյալ
Աշխարհի մի շարք առաջնորդներ և արտաքին գործերի նախարարներ հայտարարել են ԱՄՆ նախագահ Դոնալդ Թրամփի՝ Գազայի հատվածի համար խաղաղության ծրագրին իրենց աջակցության և անկլավում ռազմական գործողությունները դադարեցնելու նպատակով համագործակցելու պատրաստակամության մասին։
«Արմենպրես»-ի փոխանցմամբ՝ այս մասին հայտնում է Al Jazeera-ն։
Սաուդյան Արաբիայի, Հորդանանի, ԱՄԷ-ի, Ինդոնեզիայի, Պակիստանի, Թուրքիայի, Կատարի և Եգիպտոսի արտաքին գործերի նախարարները համատեղ հայտարարություն են տարածել՝ վերահաստատելով իրենց հանձնառությունը Միացյալ Նահանգների և կողմերի հետ դրական և կառուցողական համագործակցությանը՝ համաձայնագիրը վերջնականապես հաստատելու և դրա իրականացումն ապահովելու համար։
Ֆրանսիայի նախագահ Էմանուել Մակրոնը ողջունել է Թրամփի ծրագիրը՝ X հարթակում արված հայտարարության մեջ նշելով.
«Ես ակնկալում եմ, որ Իսրայելը վճռականորեն կներգրավվի այս սկզբունքին: ՀԱՄԱՍ-ն այլընտրանք չունի, բացի բոլոր պատանդներին անհապաղ ազատ արձակելուց և այս ծրագիրն իրականացնելուց»:
Մակրոնը նաև հաստատել է Ֆրանսիայի պատրաստակամությունը՝ նպաստելու ծրագրի իրականացմանը և հետևելու կողմերի պարտավորություններին:
«Մենք կոչ ենք անում բոլոր կողմերին միավորվել և համագործակցել ԱՄՆ վարչակազմի հետ՝ այս առաջարկը վերջնականապես մշակելու և իրականացնելու համար», – ասել է Մեծ Բրիտանիայի վարչապետ Քիր Սթարմերը։Նրա խոսքով՝ պաղեստինյան ՀԱՄԱՍ շարժումը պետք է ընդունի ԱՄՆ ծրագիրը, վայր դնի զենքերը և ազատ արձակի մնացած պատանդներին։
Իտալիայի վարչապետ Ջորջիա Մելոնին նույնպես ողջունել է ԱՄՆ առաջարկը՝ նշելով, որ այն կարող է լինել «շրջադարձային պահ՝ ռազմական գործողությունների մշտական դադարեցման, բոլոր պատանդների անհապաղ ազատ արձակման և քաղաքացիական բնակչության համար լիարժեք ու անվտանգ մարդասիրական հասանելիության ապահովման համար»։
«Ես բարձր եմ գնահատում ԱՄՆ նախագահ Դոնալդ Թրամփի ջանքերն ու առաջնորդությունը՝ Գազայում արյունահեղությունը դադարեցնելու և հրադադարի հասնելու համար», – X-ի իր միկրոբլոգում գրել է Թուրքիայի նախագահ Ռեջեփ Թայիփ Էրդողանը։
Նա հավելել է, որ Թուրքիան կշարունակի աջակցել դիվանագիտական գործընթացին և մտադիր է նպաստել «բոլոր կողմերի համար ընդունելի արդար և երկարատև խաղաղության» հաստատմանը։ Նորվեգիայի կառավարությունը ողջունել է Թրամփի ծրագիրը և հայտարարել, որ ակնկալում է Իսրայելի կողմից հստակ արձագանք՝ նշելով, որ սերտ կապի մեջ է տարածաշրջանի և դրա սահմաններից դուրս գործընկերների հետ։
Պաղեստինի ղեկավարությունը նույնպես ողջունել է Գազայում պատերազմը դադարեցնելուն ուղղված ամերիկյան և արաբական ջանքերը՝ բարձր գնահատելով Թրամփի դիրքորոշումը։
Կատարն ու Եգիպտոսը Թրամփի ծրագիրը փոխանցել են ՀԱՄԱՍ-ի բանակցային թիմին, որն էլ իր հերթին միջնորդներին խոստացել է ուսումնասիրել Թրամփի առաջարկը։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է