Մագնիսական փոթորիկ հոկտեմբերի 1-ին. նոր ամիսը նոր հարվածներ կբերի․ ի՞նչ կզգան մարդիկ, ինչպե՞ս դիմակայել

Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիայի և Ռուսաստանի գիտությունների ակադեմիայի Սիբիրյան մասնաճյուղի Արեգակնային-երկրային ֆիզիկայի ինստիտուտի տվյալներով՝ 2025 թվականի հոկտեմբերի սկզբին սպասվում են գեոմագնիսական խանգարումներ։ Գիտնականները հայտնել են, որ սեպտեմբերի 30-ին սկսվել է ուժեղ գեոմագնիսական փոթորիկ, որը չի կանխատեսվել առկա մոդելներով։

Մասնագետները կանխատեսում են, որ հոկտեմբերի 1-ին Երկրի մագնիսոլորտը կգտնվի գրգռված վիճակում, սպասվում է G1 մագնիսական փոթորիկ։ Գեոմագնիսական խանգարումների գագաթնակետը կլինի Մոսկվայի ժամանակով ժամը 21:00-ից մինչև 00:00-ն ընկած ժամանակահատվածում։ Նախնական կանխատեսումները ցույց են տալիս, որ անկայուն գեոմագնիսական պայմանները կշարունակվեն ամբողջ հոկտեմբերի ընթացքում, հնարավոր են խախտումներ 4-6-ին, 12-13-ին, 26-ին և 30-ին։

Բժիշկները խորհուրդ են տալիս եղանակային պայմանների նկատմամբ զգայուն անձանց նվազեցնել ֆիզիկական ակտիվությունը մագնիսական փոթորիկների ժամանակ, պահպանել քնի ռեժիմ, ավելի շատ ջուր խմել և խուսափել սթրեսային իրավիճակներից։ Քրոնիկ հիվանդություններ ունեցողները պետք է նախապես խորհրդակցեն բժշկի հետ և ձեռքի տակ ունենան անհրաժեշտ դեղորայքը։