Կոտայքի մարզում հայհոյելու շուրջ տեղի ունեցած վիճաբանությունը վերածվել է ծեծկռտուքի

ՀՀ ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային քրեական վարչության ծառայողները օպերատիվ տեղեկություններ են ստացել, որ շուրջ 20 օր առաջ «Չխկո» մականվամբ, Կոտայքի մարզի բնակիչներ 37-ամյա Արտակ Ն․-ի և 30-ամյա Վրեժ Հ․-ի միջև Եղվարդ քաղաքի քաղաքապետարանի հարակից տարածքում վիճաբանություն է տեղի ունեցել կապված Արտակ Ն․-ի կողմից Վրեժ Հ․-ին հայհոյելու հետ, որի ընթացքում վերջինս ծեծի է ենթարկել Արտակ Ն․-ն։

Ինչպես հայտնում  է ֆոտոլրագրող Գագիկ Շամշյանը, ըստ օպերատիվ տվյալների  նշված դեպքից հետո Արտակ Ն․-ն զանգահարել և հայհոյել է Վրեժ Հ․-ին, ով իր ընկերներ, Կոտայքի մարզի բնակիչներ 31-ամյա Արծրուն Մ․-ի և 22-ամյա Հայկ  Բ․-ի  հետ հանդիպել են Արտակ Ն․-ին, ով գտնվել է իր կողմից շահագործվող «Range Rover» մակնիշի ավտոմեքենայով և վերջիններս դարձյալ ծեծի են ենթարկել Արտակ Ն․-ին՝ վնասելով նաև ավտոմեքենան։

Կոտայքի քրեական ոստիկանների կողմից ձեռնարկվում են միջոցառումներ՝ Արտակ Ն․-ին, Վրեժ Հ․-ին, Արծրուն Մ․-ին և Հայկ Բ․-ին հայտնաբերելու ուղղությամբ։

Դեպքի փաստով կազմվել են փաստաթղթեր, որոնք փոխանցվել են ՀՀ քննչական կոմիտեի Կոտայքի մարզային քննչական վարչության Նաիրիի քննչական բաժին։