Խոյ համայնքում դադարեցվել է գազաբենզալցակայանի գործունեություն. կայանները նաև ապամոնտաժվել են
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի հանձնարարագրի հիման վրա Տեսչական մարմնի Արմավիրի տարածքային բաժնի մասնագետների կողմից հրդեհատեխնիկական հետազոտություն է իրականացվել ՀՀ Արմավիրի մարզի Խոյ համայնքի Արշալույս բնակավայրի 32-րդ փողոցի 1-ին հողամաս հասցեում գործող «Էդո Սարուխ» ՍՊԸ-ի կողմից շահագործվող բենզալցակայանի և հեղուկ գազի լցավորման կայանի նկատմամբ։ Այս մասին տեղեկացնում են տեսչական մարմնից:
«Հետազոտության արդյունքում արձանագրվել են հրդեհային անվտանգության նորմատիվ փաստաթղթերի պահանջների բազմաթիվ խախտումներ, որոնք անմիջական և ուղիղ սպառնալիք են ստեղծում հրդեհների առաջացման և քաղաքացիների անվտանգության համար։
Հաշվի առնելով խախտումների ռիսկայնության և վտանգավորության աստիճանը՝ ՀՀ ՔՏՀԱ տեսչական մարմնի ղեկավարի կողմից 2025 թվականի սեպտեմբերի 24-ին ընդունվել է որոշում՝ դադարեցնելու տվյալ լցակայանների գործունեությունը։
Տեսչական մարմնի տեխնիկական և հրդեհային անվտանգության վարչության, ինչպես նաև Արմավիրի տարածքային ստորաբաժանման մասնագետների կողմից իրականացված բացատրական աշխատանքի արդյունքում տնտեսավարողը սեփական միջոցներով կամավոր ապամոնտաժել է լցավորման կայանները»,- ասված է հաղորդագրությունում։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Նիկոլ Փաշինյանն ու իր թիմը երեկ երկրորդ ապտակը ստացան Տաշիրում. «Հրապարակ»