ՊԵԿ-ը հրավիրում է հանդիպման մաքսային միջնորդ կազմակերպությունների ներկայացուցիչների հետ

09/10/2025 13:15Ներքին կյանք

ԵՐԵՎԱՆ, ՀՈԿՏԵՄԲԵՐԻ 9, 24News

Հայաստանի պետական եկամուտների կոմիտեն տեղեկացնում է, որ հոկտեմբերի 17-ին կազմակերպվում է հանդիպում մաքսային միջնորդ կազմակերպությունների ներկայացուցիչների հետ՝ մաքսային ընթացակարգերի բարելավման և մաքսային միջնորդ կազմակերպությունների ներկայացուցիչներին հետաքրքրող հարցերի քննարկման նպատակով։

«Արմենպրես»-ի փոխանցմամբ՝ հանդիպում-քննարկումը տեղի կունենա ՊԵԿ արտաքին տնտեսական գործունեության մաքսային սպասարկման և հսկողության վարչությունում (հասցե՝ ք. Երևան Իսակովի 10, 7-րդ հարկ), սկիզբը ժամը 10:00-ին:

Մասնակցության համար անհրաժեշտ է մինչև հոկտեմբերի 15-ը [email protected] էլ. փոստի հասցեին ուղարկել մասնակցի տվյալները։