Իսրայելի վարչապետը չի մասնակցի Շարմ էլ Շեյխում Գազայի հարցով կայանալիք գագաթնաժողովին
Իսրայելի վարչապետ Բենիամին Նեթանյահուի գրասենյակը հայտարարել է, որ նա չի մասնակցի Շարմ էլ Շեյխում Գազայի հարցով կայանալիք գագաթնաժողովին՝ հոկտեմբերի 13-ի երեկոյան Շեմինի Ացերեթ-Սիմխատ Թորա հրեական տոնի մեկնարկելու պատճառով։
«Արմենպրես»-ի փոխանցմամբ՝ այս մասին նշված է Նեթանյահուի գրասենյակի տարածած հայտարարության մեջ։
«Վարչապետ Բենիամին Նեթանյահուն ԱՄՆ նախագահ Դոնալդ Թրամփի կողմից հրավիրվել է մասնակցելու այսօր Եգիպտոսում կայանալիք համաժողովին։ Վարչապետը շնորհակալություն է հայտնել նախագահ Թրամփին հրավերի համար, սակայն նշել է, որ չի կարողանա մասնակցել՝ տոնի մեկնարկին ընդառաջ ժամանակի սղության պատճառով», – նշվում է հայտարարության մեջ։
Նեթանյահուն նաև շնորհակալություն է հայտնել նախագահ Թրամփին «խաղաղություն ուժի միջոցով» գործելակերպով խաղաղության շրջանակն ընդլայնելու ջանքերի համար։Ավելի վաղ Եգիպտոսի նախագահական գրասենյակը հայտարարել էր, որ Նեթանյահուն կմիանա ԱՄՆ նախագահի նախաձեռնած գագաթնաժողովին։
The Times of Israel-ի տեղեկացմամբ՝ Իսրայելի վարչապետ Բենիամին Նեթանյահուն հեռախոսազրույց էր ունեցել Եգիպտոսի նախագահ Աբդել Ֆաթթահ աս-Սիսիի հետ։Հաղորդագրության համաձայն՝ Քնեսեթում Թրամփի կողմից կազմակերպված հեռախոսազրույցի ընթացքում Նեթանյահուն ընդունել էր Եգիպտոսի առաջնորդի հրավերը՝ մասնակցելու Գազայում խաղաղության ծրագրի վերաբերյալ միջազգային գագաթնաժողովին։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է