Իրանի ԱԳ նախարարն Աֆղանստանին և Պակիստանին կոչ է արել դադարեցնել ռազմական գործողությունները
Իրանի և Աֆղանստանի արտաքին գործերի նախարարներ Աբբաս Արաղչին և Ամիր Խան Մութթաքին հեռախոսազրույց են ունեցել, որի ընթացքում քննարկել են տարածաշրջանային վերջին զարգացումները և երկկողմ հարաբերությունները։ «Արմենպրես»-ի հաղորդմամբ՝ պաշտոնյաների միջև անցկացված հեռախոսազրույցի մանրամասներ է ներկայացրել իրանական Mehr լրատվականը։
Նշվում է, որ Աբբաս Արաղչին հեռախոսազրույցի ժամանակ խորը մտահոգություն է հայտնել Աֆղանստանի և Պակիստանի միջև վերջերս տեղի ունեցած բախումների վերաբերյալ՝ կոչ անելով երկու կողմերին զսպվածություն ցուցաբերել, դադարեցնել ռազմական գործողությունները և լուծել վեճերը երկխոսության և բանակցությունների միջոցով:
Նա ընդգծել է, որ երկու մուսուլման հարևանների միջև շարունակական լարվածությունը ոչ միայն կհանգեցնի մարդասիրական կորուստների, այլև կխաթարի ամբողջ տարածաշրջանի կայունությունը։
«Իրանի արտաքին գործերի նախարարը նաև վերահաստատեց Թեհրանի պատրաստակամությունը՝ նպաստելու լարվածության մեղմացմանը և նպաստելու երկու երկրների միջև կառուցողական երկխոսությանը»,-նշել է իրանական լրատվականը։
Իր հերթին նախարար Մութթաքին Արաղչիին տեղեկացրել է վերջին զարգացումների մասին և ընդգծել, որ Աֆղանստանի Իսլամական Էմիրությունը նախընտրում է երկխոսությունն ու խաղաղությունը՝ ռազմական բախման փոխարեն։
Հաղորդվում է, որ երկու նախարարները նաև քննարկել են Հելմանդ գետի ջրային իրավունքների հարցը՝ ընդգծելով գործող ջրային համաձայնագրերի պահպանման, տեխնիկական համագործակցության բարելավման և ջրային ռեսուրսների համատեղ կառավարման անհրաժեշտությունը՝ ընթացիկ սեզոնում վատնումը կանխելու և Իրանի օրինական բաժինն ապահովելու համար։
Մանրամասները՝ սկզբնաղբյուրում։
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը