Կոնվերս Բանկը BACEE’s Award for International Banking Co-operation մրցանակակիրն է

BACEE-ի 50-րդ համաժողովի շրջանակում Կոնվերս Բանկն արժանացել է BACEE’s Award for International Banking Co-operation մրցանակին։ 

Մրցանակը բանկին է շնորհվել BACEE-ի հետ արդյունավետ համագործակցության, ֆինանսական կայունության ապահովմանն ուղղված նախաձեռնությունների, միջազգային լավագույն պրակտիկայի ներդրման, թղթակցային բանկային հարաբերությունների զարգացման, ինչպես նաև առևտրի ֆինանսավորման և տարածաշրջանային համակցված նախագծերին ակտիվ մասնակցության համար։

Կոնվերս Բանկի գլխավոր գործադիր տնօրեն Անդրանիկ Գրիգորյանն այդ կապակցությամբ ասել է. «Շնորհակալություն ենք հայտնում ֆինանսական ոլորտում տարածաշրջանային համագործակցության խթանման, միջազգային առևտրի ընդլայնման հարցում Կոնվերս Բանկի աշխատանքը բարձր գնահատելու համար: Վստահ ենք, որ BACEE-ի և այդ կառույցի անդամ ֆինանսական կազմակերպությունների համատեղ ջանքերով կկարողանանք ոչ միայն դիմագրավել ոլորտում առկա մարտահավերներին, այլև հասնել ֆինանսական ոլորտի կայուն զարգացման, տարածաշրջանային համագործակցության խորացման, այդ թվում՝ թվայնացման և ԱԲ կիրառման ընդայնման միջոցով»:

BACEE-ի 50-րդ հոբելյանական համաժողովը կայացել է հոկտեմբերի 20-21-ը Վիեննայում։ Միջոցառման Ադամանդե հովանավորն էր Կոնվերս Բանկը։ 

Կոնվերս Բանկը վերահսկվում է ՀՀ ԿԲ կողմից: