Գյումրիից ձերբակալված 33 անձանց թվում անչափաս տղա կա, նրան մեղադրանք է առաջադրվել․ փաստաբան

Գյումրիից ձերբակալված 33 անձանց թվում անչափաս տղա կա: Այս մասին 24News-ի հետ զրույցում ասաց փաստաբան Հայկ Հարությունյանը:

«Մեղադրանք է առաջադրվել անչափահաս տղային, որը նույնպես ձերբակալվել էր Գյումրիի քաղաքապետարանի մոտից։ Նրան էլ նույն մեղադրանքներն են ներկայացվել, բայց որևէ ապացույց չունեն այդ մասով, ավելին` մենք ենք ներկայացրել  հակառակն ապացուցող փաստեր»,- մանրամասնեց փաստաբանը:

Նշենք, որ  ձերբակալված 33 քաղաքացիներից մի մասին մեղադրանք է առաջադրվել ՀՀ քրեական օրենսգրքի 327–րդ և 486–րդ հոդվածների հատկանիշներով` արդարադատության իրականացմանը կամ գործի քննությանը միջամտելը և զանգվածային անկարգությունների մասնակցելը:

Հայկ Հարությունյանը, ասաց, որ նա ստանձնել  է 4 հոգու շահերի պաշտպանությունը:

Նաև տեղեկացրեց, որ բացի 33-ից, այլ ձերբակալվածներ էլ կան հոկտեմբերի 20-ին Գյումրիի համայնքապետարանի առջև տեղի ունեցած հավաքից և առաջիկա ժամերին նրանց ևս մեղադրանքներ կառաջադրվի:

Մերի Մանուկյան