Երեկ հետաքրքիր հանդիպում ունեցանք «Եվրանեսթ»-ի վեհաժողովին մասնակցության նպատակով Հայաստանում գտնվող Եվրոխորհրդարանի պատգամավոր Գերոլֆ Աննեմանսի հետ

Գերոլֆ Աննեմանսը բելգիացի իրավաբան է, հրապարակախոս և «Ֆլամանդական շահ» առաջատար ընդդիմադիր կուսակցության առաջնորդը: Նա ակտիվորեն հանդես է գալիս ազգային ինքնության պահպանության դիրքերից, քրիստոնեական արժեքների և ավանդական կենսակերպի պաշտպան է, ակտիվ ընդդիմանում է ԵՄ շրջանակներում իրականացվող համահարթեցմանը:

Մենք խոսեցինք Հայաստանի ներքաղաքական իրավիճակից, գործող վարչախմբի ահագնացող բռնաճնշումներից, Հայ առաքելական եկեղեցու դեմ նրա արշավից, ինչպես նաև անդրադարձանք Ադրբեջանի բռնատիրական վարչակարգի կողմից Հայաստանի դեմ իրականացվող տարաբնույթ թշնամական գործողություններին:

Հանդիպումը, թեև առաջին անգամ էր, շատ ջերմ ստացվեց, մենք պայմանավորվեցինք շարունակել պարբերական շփումները և հաղորդակցությունը փոխադարձ հետաքրքրություն ներկայացնող հարցերով: