Ալիևն ու Էրդողանը չեն գա Հայաստան
Ադրբեջանի և Թուրքիայի նախագահները չեն ցանկանում քարոզչական գործիք դառնալ Նիկոլ Փաշինյանի ձեռքին։ Հիշեցնենք, պաշտոնական Երևանն ավելի վաղ Թուրքիայի և Ադրբեջանի նախագահներին հրավիրել էր մասնակցելու Եվրոպական քաղաքական համայնքի գագաթնաժողովին, որը տեղի է ունենալու Հայաստանում 2026 թվականի մայիսին։
Ադրբեջանական լրատվամիջոցները շտապեցին նշել, թե Ալիևը մերժել է մասնակցել հանդիպմանը։ Ադրբեջանի իշխանություններին մոտ կանգնած «Կալիբրը» գրել էր, թե բարձր մակարդակի այցն առանց ստորագրված համաձայնագրի պարտավորությունների կատարման վաղաժամ է։ Ի պատասխան՝ հենց երեկ ԱԺ նախագահ Ալեն Սիմոնյանը հայտարարեց, թե Երևանն ակնկալում է, որ թե՛ Ադրբեջանի, և թե՛ Թուրքիայի նախագահները հաջորդ տարի կժամանեն Երևան՝ մասնակցելու գագաթնաժողովին։ Ի վերջո, Բաքվից պաշտոնապես հաստատեցին, որ Ալիևը չի մասնակցի Երևանում կայանալիք Եվրոպական քաղաքական համայնքի գագաթնաժողովին։ Ալիևի օգնական Հիքմեթ Հաջիևը հայտարարել է, թե ադրբեջանական կողմը չի կարծում, որ ներկա պայմաններում ամենաբարձր մակարդակով այս միջոցառմանը մասնակցելը հնարավոր կլինի։ Նա միևնույն ժամանակ նշել է, որ պաշտոնական հրավեր նամակ Ալիևին դեռևս չի ստացվել։
Ի տարբերություն Ադրբեջանի, Թուրքիայից առայժմ հստակություն չեն մտցրել։ Թուրքիայի նախագահի աշխատակազմից հայտարարել են, թե Էրդողանի մասնակցության հարցում որոշակիություն չկա և կլինի միջոցառման օրվան ավելի մոտ։ Բայց ամենայն հավանականությամբ, Էրդողանն էլ հետևելու է Ալիևի քայլին և չժամանի Հայաստան։ Փաշինյանը թուրքական պետությունների ղեկավարների այցը փորձելու էր ներկայացնել իր խաղաղության քաղաքականության ծիրում և խորհրդարանական ընտրություններին ընդառաջ նոր դիվիդենտներ ստանալ։ Բայց, ինչպես ակնհայտ է, նրա այս ձգտումը ձախողվեց։
Արսինե Ստեփանյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ