Իշխանությունը դեռ չի կորցրել ռուսական ալիքները փակելու հույսը
Հայաստանի գործող իշխանությունը դեռ չի կորցրել ռուսական ալիքները փակելու հույսը, բայց դա մտադիր է անել ոչ թե արագացված ընթացակարգով, այլ միջպետական համաձայնագրի ժամկետը լրանալուց հետո։ ՀՀ բարձր տեխնոլոգիական արդյունաբերության նախարարը հայտնել է, թե Հայաստանի հանրային մուլտիպլեքսով հեռարձակվող ռուսական հեռուստաալիքների բովանդակության հետ կապված որևէ ահազանգ վերջին ամիսներին չի ստացել։ Խորհրդարանում լրագրողների հետ զրույցում ԲՏԱ նախարար Մխիթար Հայրապետյանը, անդրադառնալով հարցին, թե ռուսական հեռուստաալիքները շարունակելո՞ւ են հեռարձակվել հանրային մուլտիպլեքսում, ասել է, թե այս փուլում նման հարցադրում դեռևս չեն դրել գործընկերների առաջ։
Նախարարի խոսքով՝ վերջին ամիսներին դրա առիթը պարզապես չի եղել։ Նա հույս է հայտնել, որ կողմերը կկատարեն պայմանագրով ստանձնած պարտավորությունները։ Ըստ Հայրապետյանի՝ պայմանագրի ժամկետը լրանալուց հետո կառավարությունը որոշում կկայացնի, թե արդյոք երբևէ կդիտարկի որևէ միջազգային հեռուստաալիքի հեռարձակում հանրային մուլտիպլեքսով, թե ոչ։ Նախարարի անձնական կարծիքով՝ հանրային մուլտիպլեքսով միջազգային հեռուստաալիքների հեռարձակումն այնքան էլ նպատակահարմար չէ։
Միջպետական համաձայնագիրը ստորագրվել է 2020 թ. դեկտեմբերի 30-ին։ Եթե մինչ վերջերս իշխանություններն ավելի հակված էին համաձայնագիրը միակողմանի չեղարկելուն՝ ռուսական կողմին մեղադրելով դրա պահանջները չկատարելու մեջ, ապա հիմա փոքր-ինչ թուլացրել են հռետորաբանությունը։ Հաշվի են առել նաև, որ ռուսական ալիքներով վերջին շրջանում փաշինյանական իշխանության հասցեին հնչող քննադատությունների ծավալը նվազել է։ ՔՊ-ն էլ որոշել է առայժմ չսրել իրավիճակը։
Գայանե Արամյան
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...