Հայաստանում, իհարկե, սոցիալական արդարության կարիքը այլընտրանք չունի․ Մհեր Ավետիսյան

Մհեր Ավետիսյանը ֆեյսբուքյան իր էջում գրում է․

Այսօր տեղի է ունեցել պատմական իրադարձություն աշխարհի ամենակապիտալիստական քաղաքներից մեկում՝ Նյու Յորքում․ քաղաքապետ է ընտրվել սոցիալիստ և կոմունիստի համբավ ունեցող Մամդանին։

Սա ցույց է տալիս, որ դասակարգերի պայքարը՝ այսպես ասած «հարուստների» ու «աղքատների», կամ ավելի ճիշտ՝ այն մարդկանց, ովքեր սոցիալական արդարություն են ուզում, աշխարհի բոլոր երկրներում նոր թափ է ստանում՝ և նույնիսկ կապիտալիստական Միացյալ Նահանգներում, և նույնիսկ կապիտալիստական Նյու Յորքում։

Սա նշանակում է, որ պետք է լուրջ վերաբերվել սոցիալական արդարության գաղափարին, քանզի մարդկանց մեծամասնությունը այլևս հոգնել է, որ հարստությունը կուտակվում է փոքր թվով մարդկանց ձեռքերում, և նրանք փորձում են ապրել շռայլ կյանքով և մարդկության մեծամասնությանը ցույց տալ, ստիպել, որ նրանք պետք է աշխատեն, նրանք պետք է չարչարվեն, նրանք պետք է վատ սնվեն, նրանց երեխաները պետք է լավ կրթություն և առողջապահություն չունենան, բայց մի փոքր խումբ մարդիկ պետք է շարունակեն ուղղակի վայելել մարդկության մեծամասնության աշխատանքի արդյունքները։

Իսկ Հայաստանում, իհարկե, սոցիալական արդարության կարիքը այլընտրանք չունի։

Մարդիկ ուզում են արդարություն, ուզում են, որ մարդը ապրի իր աշխատածով,

ոչ թե մի քանիսը անարդարության միջոցով շքեղ կյանք վարեն, իսկ մեծ մասը գոյատևի։