Հայաստանի զավթողական ծրագիրը նորից թափ է հավաքում Ադրբեջանում
Հայաստանի զավթողական ծրագիրը նորից թափ է հավաքում Ադրբեջանում։ Մինչ ՀՀ գործող իշխանությունները փորձում են խուսանավել «միջանցք» բառից, աուձախ էլ համոզում են, թե խաղաղության դարաշրջանը վրա է հասել, Ադրբեջանում իսկապես լուրջ քայլեր են արվում իրենց հակահայկական ծրագիրը առաջ մղելու համար։
Ադրբեջանի խորհրդարանի պատգամավոր Գուդրաթ Հասանգուլիևը հայտարարել է՝ եթե Հայաստանն օպերատիվ կերպով միջանցքի բացման մասին որոշում չկայացնի, Ադրբեջանը ստիպված կլինի ուժով մաքրել միջանցքի տարածքը, իսկ հետո խիստ երաշխիքների ներքո այն հանձնել Ռուսաստանի կամ ԱՄՆ վերահսկողությանը՝ 2020 թվականի նոյեմբերի 10-ի կամ 2025 թվականի օգոստոսի 8-ի համաձայնագրերի համաձայն։ Հասանգուլիևը նշել է, որ Հայաստանը փորձում է հարևանների հետ հաղորդակցությունները բացել իր համար շահավետ պայմաններով, բայց չնայած Նախիջևան տանող ճանապարհի մշտական քննարկումներին, իրական քայլեր դեռևս չի ձեռնարկում։
Ադրբեջանական ՀԿ-ներից մեկի ղեկավար, պրոֆեսոր Ֆուադ Մամեդովն էլ Ադրբեջանի կառավարության ֆինանսավորմամբ Բաքվում կազմակերպված «Վերադարձ դեպի Արևմտյան Ադրբեջան» թեմայով քննարկման ժամանակ հայտարարել է, թե ադրբեջանցիների վերադարձը ներկայիս Հայաստանի մարդու հիմնարար իրավունքների հարց է, և իրենք պետք է առավել ակտիվ աշխատեն այս ուղղությամբ։
Ադրբեջանում ուժգնացող միտումները մտահոգել են նաև «Միասնության թևեր» նախաձեռնության ղեկավար Արման Թաթոյանին։ «Պաշտոնապես հայտարարել են, որ 2026 թվականի բյուջեով ավելացնելու են ֆինանսավորումը, առավելություն կտան այն ՀԿ-ներին, որոնք արտասահմանում Ադրբեջանի թեմայով համաժողովներ, միջոցառումներ կանեն, ինչպես նաև կներգրավեն օտարերկրյա կառույցներ»,– նշել է նա։ Օրերս հայտնի դարձավ, որ «Արևմտյան Ադրբեջանի» կոնցեպտը ակտիվորեն ֆինանսավորվում է Ալիևի վարչակազմի կողմից։ Պաշտոնական Բաքուն չի հրաժարվում Հայաստանը ծնկի բերելու իր մտադրությունից, իսկ Փաշինյանն ու իր թիմը հետուղականորեն թուլացնում են Հայաստանը։
Նելլի Ազատյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ