Եկեղեցին չի խաղա Փաշինյանի թելադրած օրակարգով
Փաշինյանական քարոզչամեքենան օրեր առաջ կեղծ տեղեկություններ էր տարածել, իբր նոյեմբերի սկզբին կայանալիք Գերագույն հոգևոր խորհրդի ժողովում տեղի է ունենալու Ամենայն Հայոց կաթողիկոսի հրաժարականը։ Փորձում էին Վեհափառին պարտադրել հրաժարական ներկայացնել։ Նոյեմբերի 4-7-ը տեղի է ունեցել Գերագույն հոգևոր խորհրդի ժողովը՝ Գարեգին Երկրորդի նախագահությամբ, իսկ նիստերը վարել է Մայր Աթոռի դիվանապետ Արշակ արքեպիսկոպոս Խաչատրյանը։
Թեպետ նիստերը փակ են եղել, բայց տարածած հայտարարությունը վկայում է, որ Մայր Աթոռը ամենևին էլ մտադիր չէ խաղալ Նիկոլ Փաշինյանի կանոններով և, ընդհակառակը, բավական վճռական է։ Դատապարտելով եկեղեցու և եկեղեցականների իրավունքների նկատմամբ իրականացվող բացահայտ ապօրինի ոտնձգությունները և ճնշումները՝ Գերագույն հոգևոր խորհուրդը նշել է, թե եկեղեցականներին առաջադրված մեղադրանքները և խափանման միջոցները հիմնված են ոչ իրավաչափ փաստերի վրա և հակասում են արդար դատաքննության իրավունքին։
Հոգևոր խորհուրդը նաև անդրադարձել է Ադրբեջանում պահվող հայ գերիների խնդրին և վերահաստատել իր պատրաստակամությունը շարունակելու ջանքերը գերիների վերադարձի համար։
Փաստացի, Փաշինյանի ևս մեկ մտահղացում այդպես էլ կյանքի չկոչվեց, և Հայ առաքելական եկեղեցու վերնախավը կրկին ցույց տվեց, որ ամուր է և մտադիր չէ դադարեցնել իշխանության դեմ պայքարը։ Հենց սա է, որ իրականում հունից հանում է Փաշինյանին։ Ռեպուտացիոն նվազագույն կորուստ ունենալու համար վերջինս փորձում էր կաթողիկոսին պարտադրել հրաժարական ներկայացնել՝ այդ թվում դիմելով հիբրիդային պատերազմի գործիքներին և ապատեղեկատվություն տարածելով Հայ առաքելական եկեղեցու դեմ։ Փաշինյանի հերթական ձախողումը, բնականաբար, ցնցումներ է առաջացնելու գործող իշխանության ներսում։
Անի Թանդիլյան
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Նիկոլ Փաշինյանն ու իր թիմը երեկ երկրորդ ապտակը ստացան Տաշիրում. «Հրապարակ»