Գրանցվել է 519 դեպք, որից 246-ը՝ արտակարգ. ՓԾ-ն ամփոփել է անցած շաբաթը

Նոյեմբերի 10-16-ը ՆԳՆ ՓԾ ճգնաժամային կառավարման ազգային կենտրոնում գրանցվել է 519 դեպք, որից 246-ը՝ արտակարգ: Այս մասին տեղեկացնում են ՆԳՆ փրկարար ծառայությունից:

Մասնավորապես՝ հրդեհի՝ 159, փլուզման, կեղծ ահազանգի, քարաթափման, երկրաշարժի, ջրահեղձման, զինամթերքի հայտնաբերման՝ 1-ական, պայթյունի, վայրի կենդանիների հարձակման, դիակի հայտնաբերման, օձի նկատման՝ 2-ական, բնական հրդեհի՝ 3, թունավորման, ինքնասպանության փորձի՝ 6-ական, ճանապարհատրանսպորտային պատահարի՝ 67, ինչպես նաև՝ կենցաղային կանչի՝ 177, հրդեհի ծագման սպառնալիքի՝ 35, հրդեհի կեղծ կանչի՝ 27, 25 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 3 դեպք: Փրկարարներն օգնություն են ցուցաբերել 6 քաղաքացու և անվտանգ տարածք տեղափոխել ավտոճանապարհներին արգելափակված 3 տրանսպորտային միջոց:

Նախորդ շաբաթվա ընթացքում տուժել է 122, զոհվել՝ 10 մարդ: Փրկարարական գործողությունների արդյունքում փրկվել է 4 մարդ: