Իդրամի հովանավորությամբ կայացավ ՌոբոՏոն 2025 մրցույթը
ՌոբոՏոն 2025․ իսկական տոն՝ լի ռոբոտներով, տեխնոլոգիաներով, ինտերակտիվ ժամանցով և, իհարկե, ֆինանսական գրագիտության բաղադրիչով։ Իդրամի և Mind Center-ի հերթական համագործակցությամբ այս միջոցառումը շատ սպասված իրադարձություն էր թեմայով հետաքրքված դպրոցականների համար։ Սա բացառիկ հնարավորություն էր գաղափարների, փորձի, ինչպես նաև միմյանց հետ ծանոթանալու և շփվելու համար։ Միջոցառումը ներառում էր ռոբոտների փորձարկումներ, ցուցադրություններ, պանելային քննարկում ծնողների հետ, որի թեման էր երեխաների ապագայամետ կրթության կարևորությունը։
Իդրամ ընկերության ԿՍՊ նախագծերի գլխավոր մասնագետ Մանե Գասպարյանը նշեց․ «Շատ ուրախ ենք լինել ՌոբոՏոն 2025-ի գործընկերը։ Նշեմ, որ Mind Center-ի հետ սա մեր հերթական համագործակցությունն է, և մենք վստահ ենք, որ Հայաստանի ապագան կերտվելու է նորարարությամբ, տեխնոլոգիական մտածողությամբ և կրթությամբ։ Կարևոր է նաև, որ միջոցառումը ներառում էր ֆինանսական գրագիտության բաղադրիչ։ Ուստի կարող ենք փաստել, որ գտնվում ենք մի միջավայրում, որտեղ երեխաները ոչ միայն սովորում են ծրագրավորել, նախագծել կամ ղեկավարել ռոբոտներ, այլև հասկանալ, թե ինչպես է աշխատում իրական աշխարհը՝ իր ֆինանսական բաղադրիչներով»։
Mind Center-ի հիմնադիր, տնօրեն, ՌոբոՏոն 2025-ի կազմակերպիչ Անի Խաչատրյանը նշում է․ «ՌոբոՏոն միջոցառումը կազմակերպել ենք, որպեսզի շատ երեխաներ և ծնողներ ծանոթանան ռոբոտաշինությանը և կարողանան փորձել իրենց այս ոլորտում, սիրել այն, հետաքրքրվել գիտությամբ և տեխնոլոգիաներով։ Շատ կարևոր է, երբ բիզնեսն աջակցում է կրթական նախագծերին և դա շատ գնահատելի է։ Իդրամի հետ երկար ժամանակ ենք համագործակցում թե՛ ֆինանսական գրագիտության և թե՛ ՌոբոՏոնի շրջանակներում»։
Ռոբոտաշինություն, ֆինանսական գրագիտություն, անհպում վճարումներ․ տպավորիչ ու անակնկալներով լի օրն իր ներկայությամբ էլ ավելի ուրախ ու արդյունավետ դարձրեց ֆինանսական աշխարհում երեխաների հավատարիմ ուղեկից Ջունիորն, ով ոչ միայն ծանոթացրեց ֆինանսական գրագիտության կարևոր կանոններին, այլ նաև օգնեց իր կրտսեր բարեկամներին կատարել իրենց կյանքի ամենաառաջին անհպում վճարումը՝ ընդամենը մեկ դրամ վճարելով ֆինանսական գրագիտության լիարժեք ու ամփոփ դասընթացի համար, որն իրականացնում են Իդրամն ու IDBank-ը՝ «Ֆինանսապես գրագետ Իդրամի և IDBank-ի հետ» արշավի շրջանակներում։
Օրվա ավարտին հայտնի դարձան նաև հաղթողների անունները, որոնք ստացան արժեքավոր մրցանակներ Իդրամ ընկերության կողմից։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Վարդան Ղուկասյանին մեղսագրվող կաշառքի գործը կգնա դատարան. նրան 10 տարվա ազատազրկում է սպառնում
ՌԴ-ն հրթիռներով և անօդաչու թռչող սարքերով զանգվածային հարվածներ են հասցրել Ուկրաինային․ տուժածներ կա
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Վիճաբանություն և ծեծկռտուք՝ Երևանում. կա վիրավոր. 6 մասնակիցների ինքնությունը պարզվել է
ՔԿ-ն Արշակ Սրբազանին ճնշելու համար գործի մեջ ներքաշում է նրա ընտանիքի անդամներին․ AntiCor
Ուրիշ ո՞ւմ հետ պետք է մենամարտեմ հիմա, եթե ոչ նրա. Ծառուկյանը նոր մրցակից է ընտրել