«Քաղպայմանագրի» ընտրացուցակում զարմանալի անուններ են լինելու
«Քաղաքացիական պայմանագիր» կուսակցության ընտրական ցուցակում, մեր տեղեկություններով, զարմանահրաշ փոփոխություններ են լինելու։ Փաշինյանը ցանկանում է ՔՊ ցուցակում ներգրավել նաև այն մարդկանց, որոնք վերջին տարիներին աչքի են ընկել ընդդիմադիր հռետորաբանությամբ, ընդ որում բավականին կոշտ, բայց արդեն մի քանի տարի է սերտորեն համագործակցում են իշխանությունների հետ։
Մասնավորապես, ՔՊ մեր աղբյուրը հայտնեց, թե կուսակցությունում մեծ լոբբինգ է իրականացվում Ազգային ժողովի պատգամավոր, նախկինում «Հայաստան» դաշինքից ընտրված Գեղամ Նազարյանին ՔՊ ընտրացուցակ ընդգրկելու համար։ 44-օրյա պատերազմում զոհված զինվորի հայրը պատերազմից հետո կոշտ քննադատում էր Նիկոլ Փաշինյանին ամենավերջին բառերով, նախշում հենց հանրահավաքներում, խորհրդարան ընտրվելուց հետո էլ տևական ժամանակ բավական ակտիվ ակտիվ էր իշխանություններին քննադատելու հարցում, բայց արդեն տևական ժամանակ ոչ միայն չի քննադատում, այլև փորձում է Նիկոլ Փաշինյանին մաքրել դավաճանի պիտակից։
Խոսակցություններ կան, որ Նազարյանին «Հայաստան» դաշինքից կարողացել են պոկել ԱԺ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն ու նախկին ոստիկանապետ Վահե Ղազարյանը։ Հիմա էլ Նազարյանն արդեն անկախ պատգամավոր է, ժամանակին էլ հիշեցնենք, աշխատել է Նիկոլ Փաշինյանին պատկանող թերթում և ջերմ հարաբերություններ ուներ փաշինյանների ընտանիքի հետ։ «Քաղպայմանագիրը» նաև ցանկանում է ընտրացուցակում ընդգրկել մի քանի նախկին ընդդիմադիր համայնքապետերի, նրանց միջոցով ևս բավականին լուրջ ձայներ հավաքելու համար։
Դրանցից մեկը Գորիսի քաղաքապետ Առուշ Առուշանյանն է, որը պատերազմից հետո «Սյունյաց ողջույնների» կազմակերպիչներից մեկն էր, բայց վերջինս էլ աննկատ անցել է իշխանության կողմը և սերտորեն աշխատում է նրանց հետ։ Նախօրեին էլ Առուշանյանն անձամբ է Գորիսում ընդունել սոցապնախարար Արսեն Թորոսյանին, շրջել նրա հետ, ներկայացրել Գորիսում կատարված աշխատանքները։ Առուշանյանը միգուցե ընտրացուցակում չլինի, բայց իշխանություններին խոստացել է Գորիսից լուրջ ձայներ ապահովել Նիկոլ Փաշինյանի համար։ Ընդ որում, ըստ մեր աղբյուրի, Նազարյանն ու Առուշանյանը միակը չեն, ովքեր վաղուց դարձել են «Քաղպայմանագրի» սպասարկուն։
Աննա Մարգարյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ