IDBank-ը թողարկել է պարտատոմսերի 2026 թվականի առաջին տրանշը

2025 թվականի նոյեմբերի 27-ին IDBank-ը հրապարակային առաջարկի միջոցով թողարկել է AMANLBBM4ER2 տարբերակիչ ծածկագրով անվանական արժեկտրոնային պարտատոմսեր՝ հետևյալ պայմաններով․

• Թողարկման ծավալը – 10 մլն․ ԱՄՆ դոլար
• Արժեկտրոնային եկամտաբերությունը – 5 %
• Շրջանառության ժամկետը – 36 ամիս (3 տարի)
• Արժեկտրոնի վճարման պարբերականությունը – 6 ամիս
• Թողարկման/տեղաբաշխման սկիզբ – 27 նոյեմբերի 2025
• Տեղաբաշխման ավարտ – 27 ապրիլի 2026
• Մարման ամսաթիվ – 27 նոյեմբերի 2028

Պարտատոմսերը տեղաբաշխվելու են 2025թ․-ի նոյեմբերի 27-ից մինչև 2026 թվականի ապրիլի 27-ը ներառյալ։ Սա IDBank-ի դոլարային պարտատոմսերի 34-րդ թողարկումն է։

Տեղաբաշխման ավարտից հետո պարտատոմսերը ներկայացվելու են ցուցակման «Հայաստանի ֆոնդային բորսա» ԲԲԸ-ում և ունենալու են շուկա ստեղծող (Marketmaker):

Պարտատոմսերի մասին ամբողջական տեղեկատվությունը հասանելի կլինի Idram&IDBank հավելվածում դրանք ձեռք բերելուց անմիջապես հետո․ «Բանկինգ» բաժնի «Պարտատոմսեր» ենթաբաժնում  ներկայացված է անհրաժեշտ ողջ տեղեկատվությունը՝ պարտատոմսերի տարբերակիչ ծածկագիրը, քանակը, անվանական արժեքը, տարեկան արժեկտրոնային եկամտաբերությունը, արժեկտրոնի վճարման օրը և պարտատոմսերի մարման օրը։

Պարտատոմսերի վերաբերյալ ամբողջ տեղեկատվությունը կարող եք տեսնել անցնելով հղումով։

Պարտատոմսերի ծրագրային ազդագիրը գրանցվել է ՀՀ Կենտրոնական բանկում ՀՀ ԿԲ նախագահի 12 նոյեմբերի 2025թ. թիվ 1/407 Ա որոշմամբ հաստատված ծրագրային ազդագրի շրջանակում։ Ծրագրային ազդագրի, դրա լրացման էլեկտրոնային տարբերակներին և սույն թողարկման հիմնական պայմաններին կարելի է ծանոթանալ IDBank-ի պաշտոնական կայքում:

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ