Տավուշում հրշեջ-փրկարարական ջոկատի մեքենայի վթարի դեպքով նախաձեռնվել է քրեական վարույթ․ ՔԿ

Տավուշի մարզում նոյեմբերի 26-ին Լոռու մարզային փրկարարական վարչության Վանաձորի թիվ 2 հրշեջ-փրկարարական ջոկատի ծառայողական մեքենան ենթարկվել է վթարի:

Ծառայողական պարտականությունները կատարելու ժամանակ զոհվել է հրշեջ-փրկարար, սերժանտ Տարոն Սիմոնյանը, հայտնել էր ՆԳՆ-ն։

24News-ին Քննչական կոմիտեից հայտնեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 2-րդ մասի հատկանիշներով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը):

Նախաքննության ընթացքում նշանակվել է դիակի դատաբժշկական փորձաքննություն:

Հասմիկ Սարգսյան