«ԱԼԴԵ» կուսակցության նախագահ Սվենյա Հահնի շնորհավորական ուղերձը՝ «Լուսավոր Հայաստան» կուսակցության հիմնադրման 10-ամյակի կապակցությամբ

«Լուսավոր Հայաստան» կուսակցության սիրելի բարեկամներ, սիրելի Էդմոն,

Ինձ համար պատիվ է ձեր 10-ամյակի այս հատուկ առիթով շնորհավորական ուղերձ հղել։

Տասը տարին պարզապես տարեթիվ չէ․ դա քրտնաջան աշխատանքի, աճի և իրական ազդեցության պատմություն է։ Դուք կառուցել եք մի կուսակցություն, որը սովորել է, հարմարվել և, ամենակարևորը, հավատարիմ է մնացել իր արժեքներին նույնիսկ դժվարին պահերին։
Հպարտանալու է արժանի ձեր նվիրումը ժողովրդավարությանը, թափանցիկությանը, մարդու իրավունքների և հիմնարար ազատությունների պաշտպանությանը։

Դուք ամուր կանգնած եք որպես եվրոպամետ ուժ՝ պահելով Հայաստանի եվրաինտեգրման ճանապարհը կենդանի, հույսով լի և ապագային ուղղված։ Դա կարևոր է թե՛ Հայաստանի, թե՛ մեր՝ Եվրոպայի համար։

2019 թվականին ԱԼԴԵ ընտանիքին միանալուց ի վեր ձեր գաղափարները, էներգիան և ազատական սկզբունքների նկատմամբ նվիրվածությունը էլ ավելի են ուժեղացրել մեր ընտանիքը։

Որպես ԱԼԴԵ կուսակցության նախագահ՝ հպարտ եմ կանգնել ձեր կողքին՝ 2026 թվականի ընտրություններին պատրաստվելու այս փուլում։ Հայաստանը արժանի է ունենալու եվրոպամետ և ազդեցիկ լիբերալ ձայն։

Ապագան ձեր ձեռքերում է, և ԱԼԴԵ ընտանիքը կանգնած է ձեր կողքին։

Ցանկանում եմ ձեզ արդյունավետ և բարեհաջող համագումար։

Շնորհակալություն։

«ԱԼԴԵ» կուսակցության նախագահ՝ Սվենյա Հահն