Ի՞նչ ազդեցություն է ունենում հանքարդյունաբերական ոլորտը Հայաստանի տնտեսության վրա. փորձագետ
Հանքարդյունաբերության ոլորտում աշխատատեղերի թիվը 2025թ. հունիսի դրությամբ կազմել է մոտ 13 000, իսկ միջին աշխատավարձը՝ ավելի քան 800 հազար դրամ։ Այս մասին «Հանքարդյունաբերության ոլորտը թվերով» հետազոտության ներկայացման ժամանակ դեկտեմբերի 19-ին հայտնել է տնտեսագետ Սուրեն Պարսյանը։
Նա նշել է, որ Սյունիքում (հանքարդյունաբերական մարզում) միջին աշխատավարձը կազմում է 830 հազար դրամ, այն դեպքում, երբ Կոտայքում այդ ցուցանիշը գրեթե կրկնակի ցածր է։ Պարսյանը տեղեկացրել է, որ Զանգեզուրի պղնձամոլիբդենային կոմբինատում աշխատակիցների թիվը գերազանցում է 4 500-ը։
Նա նշել է, որ ոլորտը դրական ազդեցություն ունի աղքատության մակարդակի վրա, քանի որ, օրինակ, 2023թ․տվյալներով երկրի միջին 23.7 տոկոս ցուցանիշի դեպքում Սյունիք եւ Լոռի հանքարդյունաբերական մարզերում այդ ցուցանիշները համապատասխանաբար կազմել են 7 եւ մոտավորապես 14 տոկոս։
Մասնագետը հայտնել է, որ վերջին տարիներին ոլորտը ներգրավել է 600-700 միլիոն դոլարի ներդրումներ, որոնցից 300-350 միլիոն դոլարը՝ Ամուլսարում։
«2024թ․ այդ ցուցանիշը փոքր-ինչ նվազել է, բայց Ամուլսարի զարգացման հետ մեկտեղ իրավիճակը կարող է դեպի լավը փոխվել»,- ավելացրել է նա։
Նրա տվյալներով՝ Հայաստանում հանքարդյունաբերության ոլորտում գործում է 403 ձեռնարկություն։
«ՀՆԱ մասնաբաժինը Հայաստանի տնտեսությունում 2021թ․ 5.5 տոկոսից նվազել է մինչեւ 2.6 տոկոս 2024թ․, ինչը նշանակում է, որ այս ոլորտն ավելի դանդաղ է աճել, քան մյուսները։ Ոլորտի աճը 2024թ․ կազմել է 1.5 տոկոս։
Դրա հետ մեկտեղ ոլորտը զգալի միջոցներ է ապահովում համայնքային բյուջեների համար, որոնք կազմում են մի քանի հարյուր միլիոն դրամ։
2024թ․ հանքարդյունաբերության ոլորտը բյուջե է մուտքագրել 130 միլիարդ դրամ հարկեր, որից 102 միլիարդ դրամը բաժին է ընկել ԶՊՄԿ-ին»,- ընդգծել է Պարսյանը։
Նա նշել է, որ Հայաստանը մեծացրել է հանքարդյունաբերության արտահանումը Չինաստան։
«Եթե Չինաստան արտահանման մասնաբաժինը 2020թ․ կազմել է 38.5 տոկոս, 2024թ․ այն հասել է 52 տոկոսի։ TRIPP նախագծի մեկնարկը կարող է կրճատել լոգիստիկ ծախսերը եւ մեծացնել արտահանման ծավալները այս ուղղությամբ»,- ավելացրել է փորձագետը։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Ֆրանսիայում անտառային հրդեհների հետևանքով մոտ 10 հազար մարդ է տարհանվել
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...
Սևանում բախվել է 4 մեքենա․ կան վիրավnրներ
Դատախազությունը միջնորդագիր է ներկայացրել «Սևան» ազգային պարկ» ՊՈԱԿ-ին՝ Սևանա լճի ափամերձ՝ 3100 քմ մ...
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է