Ամերիկայի համար ամենաթանկ ապրանքը ոչ նավթն է, ոչ էլ՝ գազը․ ԱՄՆ-ի համար ամենաթանկ ապրանքը հակառուսականությունն է․ Մհեր Ավետիսյան

Դրանով է բացատրվում, որ այն երկրներում, որտեղ իշխանությունները Ռուսաստանի հետ լավ հարաբերություններ ունեն կամ, այսպես ասած, իրենց հայացքները դեպի Ռուսաստան են, այդ երկրներում Ամերիկան պաշտպանում է ընդդիմությանը։ Օրինակ՝ Իրանում կոչ է անում իշխանությանը ընդդիմությանը չճնշել, հակառակ պարագայում հարվածներ կհասցնի Իրանին, իսկ այն երկրներում, որտեղ իշխանությունները հակառուսական են, այդ իշխանություններին Միացյալ Նահանգները կանաչ լույս են տալիս, ասում են՝ ինչ ուզում եք արեք, ամեն գնով պահեք իշխանությունը։

 

Հաճախ նաև Ամերիկայի դեսպանատունը նման երկրներում կոչ է անում է ցույցերի ժամանակ ոչ թե ոստիկաններին, որ հարգեն ցուցարարների իրավունքները, այլ հակառակը՝ կոչ է անում ցուցարարներին, որպեսզի իրենց հանգիստ պահեն և ոստիկանության համար խնդիրներ չստեղծեն։

 

Այսօր Միացյալ Նահանգները ամեն ինչ անում են Ռուսաստանը քանդելու և իրենց հեգեմոնիան պահպանելու տրամաբանության շրջանակներում, և սա պետք է հասկանալ։ Սա հասկանալու դեպքում ամեն բան պարզ կլինի, և հասկանալի կլինի նաև, թե ինչ է կատարվում այսօր գեոպոլիտիկ առումով աշխարհում, Միացյալ Նահանգները իրենց քաղաքականության արդյունքում ինչ են ցանկանում որևէ երկրում, որևէ իշխանությունից և այսպես շարունակ։