Արևմտամետները որոշել են՝ կգնան մեկ ցուցակով
Հայաստանյան արևմտամետ կուսակցությունները, ինչպես նաև քաղհասարակության որոշ ներկայացուցիչներ խորհրդարանական արտահերթ ընտրություններին կմասնակցեն մեկ կուսակցության կազմում։ Մեր աղբյուրի փոխանցմամբ՝ օրերս տեղի ունեցած հանդիպումից հետո որոշվել է ընտրություններին մասնակցել ոչ թե դաշինքով, այլ մեկ կուսակցության ցուցակով, որպեսզի հնարավոր լինի հաղթահարել 4 տոկոսանոց նվազագույն շեմը։
Թեպետ Եվրամիությունն ահռելի գումարներ է ծախսելու Հայաստանում իրենց խոսքով, այսպես ասած, «հիբրիդային սպառնալիքների» դեմ՝ փաստացի քաղաքական կեղտոտ պայքար մղելով հատկապես ռուսամետ կողմնորոշում ունեցող ուժերի դեմ, բայց Եվրամիության հիմնական խաղադրույքը գործող իշխանությունների՝ «Քաղաքացիական պայմանագրի» վրա է։
Իսկ ևս մեկ արևմտամետ ուժ էլ փորձում են անցկացնել խորհրդարան՝ Փաշինյանի թիկունքը պաշտպանելու համար։ Հրաշալի հասկանալով, որ արևմտամետները չունեն բավարար չափով հեղինակություն դաշինքով անհրաժեշտ նվազագույն շեմը հաղթահարելու համար, վերջնականապես որոշվել է, որ կմասնակցեն մեկ կուսակցության կազմում։ Այդ կուսակցությունը լինելու է «Հանրապետություն» կուսակցությունը, և որի ցուցակով կգնան նաև «Հանուն հանրապետություն» կուսակցության ներկայացուցիչները՝ Արման Բաբաջանյանի գլխավորությամբ, քաղհասարակության որոշ ներկայացուցիչներ, օրինակ՝ Հովսեփ Խուրշուդյանը, Լուսինե Հակոբյանը։ Նախկինում Բաբաջանյանի ցուցակով առաջադրված Ստեփան Սաֆարյանը առայժմ ցանկություն չի հայտնել մասնակցել խորհրդարանական ընտրություններին։
Եվ առաջիկայում արևմտյան ֆինանսավորում ունեցող լրատվամիջոցները բավականին լուրջ արշավ են սկսելու արմատական ընդդիմադիր ուժերին վարկաբեկելու և իրենց ցանկալի քաղաքական միավորին խորհրդարան անցկացնելու համար։
Աննա Մարգարյան
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՔՊ-ականներն ահաբեկում են անգամ անչափահասներին. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Նիկոլ Փաշինյանն ու իր թիմը երեկ երկրորդ ապտակը ստացան Տաշիրում. «Հրապարակ»
Իշխանությունների թիրախում են ակտիվ արցախցիները. «Հրապարակ»
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն