Երբ դատարկագլուխները խոսում են «գլուխներից»
Խորհրդարանը երեկ քննարկում էր «Զինվորական ծառայության և զինծառայողի կարգավիճակի մասին» օրենքում փոփոխություններ և լրացում կատարելու մասին նախագիծն առաջին ընթերցմամբ ընդունելու մասին հարցը։ ՔՊ-ն ՔՊ չէր լինի, եթե որևէ պատգամավոր հերթական անգամ սկանդալի մեջ չհայտնվեր։
ԱԺ Առողջապահության հարցերի մշտական հանձնաժողովի նախագահ, ՔՊ խմբակցության պատգամավոր Հռիփսիմե Հունանյանը հայտարարել է, թե այդ հարցում սոցիալական անարդարություն չկա։
«Հայաստանում ոչ բոլոր աշակերտներն են սովորում գերգերազանց։ Իսկ դրա համար մեծ ջանք, կամք է հարկավոր։ Այն երեխաները, որոնք մեծ ջանք, կամք, եռանդ են ներդնում ուսման մեջ, նրանք արժանի են, որպեսզի սովորեն թոփ 50 առաջատար բուհերում։ Կարծում եմ՝ բանակին էլ սա չի խանգարի, որովհետև մեր պետությանը միայն զինվորներ պետք չեն, մեր պետությանը նաև պետք են գլուխներ, որոնք կօգնեն պետության տարբեր ճյուղերի զարգացմանը»։
Փաստացի, ՔՊ-ական պատգամավորը բացահայտում է ողջ խմբակցության վերաբերմունքը ՀՀ ամենակարևոր ինստիտուտի՝ բանակի նկատմամբ՝ ծառայողների արժանապատվությանը դիպչելով։ Այժմ տարբեր կալիբրի քպականներ կփորձեն համոզել, թե տիկինը այլ բան է նկատի ունեցել, բայց ակնհայտ է, որ իշխող ուժը բանակում ծառայածներին «գլուխ» չի համարում։ Սա, իհարկե, «Քաղաքացիական պայմանագրի» համար նորություն չէ։ Այդ կուսակցությունում շատ են բանակից թռածները, հատկապես՝ իբր գիտությամբ զբաղվելու պատրվակով։
Ի դեպ, ուշագրավ է, որ նման հայտարարություն անում է մեկը, ով անգամ բավարար կրթություն չունի։ Անցած տարվա հոկտեմբերին հանձնաժողովի նախագահի պաշտոնում ընտրված այդ անձը բարձրագույն կրթություն էլ չի ստացել։ Ի վերջո, թե՛ պետությանը, թե՛ խորհրդարանին էլ հարկավոր են «գլուխներ», այլ ոչ «դատարկագլուխներ» իշխող ուժի կազմում։
Մանե Կիրակոսյան
Երևանում և մարզերում լույս չի լինի. հասցեներ
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՊԵԿ-ը կանխել է ՀՀ տարածքով թմրամիջոցի խոշոր խմբաքանակի` 28 կգ հաշիշի տարանցումը
Իշխանությունների թիրախում են ակտիվ արցախցիները. «Հրապարակ»
«Մասկա օպերացիա». իրավապահները հրահանգ են ստացել. «Հրապարակ»