TRIPP-ն այս պահին Հայաստանի համար բացում է հնարավորություններ ու առաջ բերում ռիսկեր. Ն. Կարապետյան

«TRIPP-ն այս պահին Հայաստանի համար բացում է հնարավորություններ ու առաջ բերում ռիսկեր»,-լրագրողների հետ հանդիպմանը, պատասխանելով Թրամփի ուղու մասին հարցին, ասաց «Մեր ձևով» շարժման համակարգող Նարեկ Կարապետյանը։

Նա հնարավորություն է որակում ԱՄՆ-ին երաշխավոևրի մակարդակ բերելը։

«Մեր խաղաղության պայմանագիրը պետք է ունենա մեկից ավելի երաշխավոր։ Մենք տեսնում են, ինչ է տեղի ունենում այն երկրների, տարածաշրջանների հետ, որոնք չունեն երաշխավոր կամ ունեն մեկ երաշխավոր։ Կարող է՝ տարօրինակ բան ասեմ, բայց 21-րդ դարում փոքր երկրները սկսկել են ավելի լավ ապրել, քանի որ կառավարությունները դինամիկ են, բայց ունեն անվտանգային խնդիր։ Շատ կարևոր է այնտեղ ԱՄՆ-ի ներկայությունը»,-ասաց բանախոսը՝ ընդգծելով, որ Հայաստանի արտաքին քաղաքականութունըբ պետք է բերի նրան, որ մենք ունենանք մեկից ավելի երաշխավոր, քանի որ դա է երկարաժամկետ խաղաղության միակ լուրջ գրավականը։

Նրա պնդմամբ, թուրքերի հետ բանակցություններում թուղթը փոփոխական է, իսկ երաշխավորները՝ հաստատուն։

Ինչ վերաբերում է մինչև ասուլիսը ներկայացրած տնտեսական հինգ քայլերի իրականացման ժամկետներին, ապա «Մեր ձևով» շարժման համակարգողն ասաց, նախատեսում են դրանք իրականացնել 5 տարվա ընթացքում։

«Իշխանության փոփոխության առաջին տարին լինելու է այս պրոցեսների պատրաստման տարի։ Երկրորդ տարվանից զգացվելու են լուրջ փոփոխություններ, երրորդ տարվանից մենք առձնչվելու ենք պտուղների հետ»,-ասաց Կարապետյանը՝ ավելացնելով, որ դրանց արդյունքում երկիր մտնելու են աննախադեպ ներդրումներ։

Մանրամասները՝ տեսանյութում։