ԱՄՆ-ն պատահաբար արտաքսել է 100 միլիոն դոլարի զարդեղենի գողության մեջ կասկածվող անձի

2025 թվականի դեկտեմբերին ԱՄՆ դաշնային ներգաղթի իշխանությունները սխալմամբ արտաքսել են Պերսիլա Ֆլորեսին՝ ԱՄՆ պատմության մեջ ամենամեծ զարդերի գողության մեջ կասկածվողներից մեկին, գրել է «The New York Times»-ը։ 

Գողությունը կազմել է մոտ 100 միլիոն դոլար, այդ թվում՝ ադամանդներ, զմրուխտներ, ռուբիններ, ոսկի և դիզայներական ժամացույցներ: Ֆլորեսը մեկն է յոթ մեղադրյալներից, որոնց անցյալ տարի մեղադրանք էր առաջադրվել Լոս Անջելեսից հյուսիս մայրուղու վրա զրահապատ բեռնատարի կողոպուտի համար 2022 թվականին:

Գողացված արժեքավոր իրերի մեծ մասը 2026 թվականի հունվարի դրությամբ անհետ կորած է: Դրանց վերականգնումը բարդանում է սև շուկայում վերավաճառքի և թանկարժեք մետաղների հնարավոր հալեցման պատճառով