ԱՀԿ-ն գնահատել է Նիպա վիրուսի տարածման ռիսկը Հնդկաստանից դուրս
Հնդկաստանից դուրս Նիպա վիրուսի տարածման ռիսկը ներկայումս ցածր է։
«Արմենպրես»-ի հաղորդմամբ՝ այս մասին «ՌԻԱ Նովոստի»-ին հայտնել է Առողջապահության համաշխարհային կազմակերպության (ԱՀԿ) ռուսաստանյան գրասենյակը։
Գրասենյակը նշել է, որ ԱՀԿ-ն ուշադիր հետևում է Արևմտյան Բենգալիայում Նիպա վիրուսի վարակի երկու հաստատված դեպքերի շուրջ ստեղծված իրավիճակին։
«Երկու դեպքն էլ մեկուսացված են։ Վիրուսակիրների հետ կոնտակտ հաստատած մարդկանց ուսումնասիրություն է իրականացվել, գրեթե 200 նույնականացված շփումների թեստերի պատասխանները բացասական են։ Առկա տեղեկատվության վրա հենվելով՝ ԱՀԿ-ն Հնդկաստանից դուրս վարակի հետագա տարածման ռիսկը գնահատում է ցածր», – նշել է գործակալությանը։
Հունվարի կեսերին Հնդկաստանի Արևմտյան Բենգալիա նահանգի իշխանությունները հայտնել են Նիպա վիրուսի վարակի երկու դեպքի մասին առողջապահության ոլորտի աշխատողների շրջանում: Վարակված անձինք բուժվում են Բարասատ հիվանդանոցում, որտեղ նրանք աշխատում են։ Նրանք գտնվում են մեկուսացման բաժանմունքում և շնչում են արհեստական շնչառության սարքերի միջոցով: Հնդկաստանի իշխանությունները չեն հայտնել վարակի փոխանցման նոր դեպքերի մասին:
Առողջապահության համաշխարհային կազմակերպությունը Նիպա վիրուսը համարում է աշխարհում ամենավտանգավորներից մեկը. դրա դեմ դեղամիջոց կամ պատվաստանյութ չկա: Նիպան առաջացնում է տենդ և էնցեֆալոպատիա՝ ուղեղի բջիջների վնասում և մահ՝ 40-ից 75 տոկոս մահացության մակարդակով:
Վիրուսը տարածվում է չղջիկների և մկների միջոցով. մարդիկ սովորաբար վարակվում են՝ վարակված կենդանու թքով աղտոտված մրգեր ուտելով: Վիրուսը կարող է փոխանցվել նաև ընտանի կենդանիներին: Նիպան գործնականում օդակաթիլային ճանապարհով չի տարածվում և պահանջում է անմիջական շփում վարակված անհատների կենսաբանական հեղուկների հետ:
Թուրքիայում սկսվել է հակաադրբեջանական յուրահատուկ ալիք․ Վարուժան Գեղամյան
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ