Լոռու մարզի Վահագնի գյուղում տուն է այրվել․ կանխվել է հրդեհի տարածումը դեպի մյուս հատվածներ

Հունվարի 31-ին, ժամը 03։53-ին Ճգնաժամային կառավարման ազգային կենտրոն ահազանգ է ստացվել, որ Լոռու մարզի Վահագնի գյուղում այրվում է տուն:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։

Պարզվել է, որ հրդեհը բռնկվել է գյուղի 1-ին փողոցում գտնվող երկհարկանի տանը։

Հրդեհը մեկուսացվել է ժամը 04։54-ին, մարվել՝ 06։49-ին։ Այրվել են տան տանիքը (մոտ 70 քմ) և տանը կից մոտ 30 քմ մակերեսով երկհարկանի փայտե շինություն։

Հրշեջ-փրկարարները կանխել են հրդեհի տարածումը դեպի տան մյուս հատվածներ։