Փաշինյանի միակ նպատակը եպիսկոպոսաց ժողովը խափանելն է
Հայաստանի վարչապետի պաշտոնը զբաղեցնող Նիկոլ Փաշինյանի համար այս պահին թիվ մեկ գերակայությունը ամեն գնով Ավստրիայում կայանալիք եպիսկոպոսաց ժողովը խափանելն է։ Նախօրեին հայտնի դարձավ, որ մեղադրյալի կարգավիճակում են հայտնվել Մայր Աթոռի վեց եպիսկոպոսներ և մեկ քահանա։ Եպիսկոպոսները մեղադրվում են դատական ակտի կատարմանը խոչընդոտելու համար, իսկ այդ դատական ակտը վերաբերում է կարգալույծ հռչակված Գևորգ եպիսկոպոս Սարոյանին՝ Մասյացոտնի թեմի նախկին առաջնորդին, ով հունվարի 27-ին կարգալույծ հռչակվեց Վեհափառի տնօրինությամբ։
Նախօրեին Քննչական կոմիտե են հրավիրել Մակար Հովնան, Նաթան, Հայկազուն, Մուշեղ և Վահան սրբազաններին, ինչպես նաև Գերագույն հոգևոր խորհրդի նիստերը սղագրող Տեր Մովսես քահանային։ Նրանք բոլորը մեղադրյալներ են, իսկ խափանման միջոց է ընտրվել բացակայելու արգելքը։
Ընդ որում, հատկապես ակնհայտ է, որ թիրախում բոլոր այն եպիսկոպոսներն են, որոնք ոչ միայն հավատարիմ են մնացել Ամենայն հայոց կաթողիկոսին, այլև չափազանց ակտիվ են հակաիշխանական իրենց հայտարարություններով, տիրադավ եպիսկոպոսներին դատապարտելու խոսքերով։ Փետրվարի կեսերին Հայ առաքելական եկեղեցին եպիսկոպոսաց ժողով է հրավիրել Ավստրիայի քաղաքներից մեկում, և ակնհայտ է, որ հենց այնտեղ պետք է քննարկեին բազմաթիվ հարցեր, այդ թվում՝ տիրադավ եպիսկոպոսներին կարգալույծ անելու հարցը։
Փաշինյանը, որ կարիք ունի իր կողմը նոր տիրադավների քաշելու, հրաշալի հասկանում է՝ եթե այդ ժողովը տեղի ունենա, անդառնալիորեն պարտություն է կրելու այս ճակատամարտում։ Իսկ իր կողմն անցածները, ի վերջո, գիտակցելու են, որ առաջին հերթին վնասեցին հենց իրենք իրենց։ Եվ այժմ իշխանությունը ընդհուպ կարող է գնալ Ամենայն հայոց կաթողիկոսին կալանավորելու ճանապարհով, միայն թե խափանի եպիսկոպոսաց ժողովը։
Մոնիկա Մինասյան
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ-ականներն ահաբեկում են անգամ անչափահասներին. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն