Իրանն Ադրբեջանին խիստ նախազգուշացում է տվել. Արթուր Խաչիկյան
Քաղաքագիտության դոկտոր Արթուր Խաչիկյանի ֆեյսբուքյան գրառումը․
«Թրամփը շարունակում է նախապատրաստվել Իրանի դեմ նոր հարձակմանը, որն, ըստ նրա, լինելու է շատ ավելի ընդգրկուն, քան 2025 թվականի հունիսյան 12-օրյա պատերազմը։ ԱՄՆ-ն ՀՕՊ համակարգեր է տեղափոխում Իսրայելի պաշտպանության համար՝ Իրանի հնարավոր պատասխան հարվածից պաշտպանվելու նպատակով։ Ամերիկյան նավատորմն ու ավիացիան կուտակվել են Իրանի սահմանների մոտ։ Տարածաշրջանում ԱՄՆ-ի դաշնակիցները նախազգուշացվել են սպասվող հարձակման մասին։
Իրանում նոր հակամարտությունը կարող է վերածվել տարածաշրջանային պատերազմի։ ԱՄՆ-ի օդային հարվածները կարող են ուղղված լինել Իրանի ղեկավարության ոչնչացմանը, ներքին ընդդիմության աջակցությանն ու վարչակարգի փոփոխությանը, ինչպես նաև կարևոր ռազմական ու տնտեսական օբյեկտների կործանմանը՝ Հարավսլավիայի, Լիբիայի կամ Սիրիայի օրինակով։ Դրանք կարող են ավելի երկար տևել, քան 2025 թվականի հունիսյան 12-օրյա պատերազմը։ Ցամաքային զորքերի տեղակայում, ամենայն հավանականությամբ, չի լինի։ Հիմնական շեշտը դրվելու է ներքին անկարգությունների հրահրման, Իրանի ապակայունացման և մասնատման վրա։
Իրանցի քաղաքական մեկնաբանները կրկին նախազգուշացրել են Պարսից ծոցի երկրներին և Ադրբեջանին, որ նրանք կիսում են անցյալ տարվա ամերիկյան հարձակման պատասխանատվությունը՝ իրենց տարածքում ռազմաբազաներ տեղակայելու և Իսրայելին օգնելու պատճառով։ Մասնավորապես, Ալիևի վարչակարգն անվանվել է Իսրայելի դաշնակից, և Ադրբեջանին խիստ նախազգուշացում է տրվել. Իրանի վրա հարձակման դեպքում պատասխան հարված կհասցվի Հարավային Կովկասի նավթագազային ենթակառուցվածքներին։
Իրանի կառավարությունը նախազգուշացրել է, որ այս անգամ իր պատասխանը լինելու է ավելի վճռական, և բոլոր այն երկրները, որոնք կաջակցեն ԱՄՆ-ին ու Իսրայելին այս հարձակման հարցում, կթիրախավորվեն պատասխան հարվածներով։ Իրանի հարվածներն Իսրայելին, տարածաշրջանում ամերիկյան ռազմաբազաներին ու ԱՄՆ դաշնակիցներին, ինչպես նաև նավթային օբյեկտներին, կարող են հանգեցնել լայնածավալ էսկալացիայի։ Իրանը հայտարարել է, որ փակելու է Հորմուզի նեղուցը։
Սա կարող է հանգեցնել նավթի գների կտրուկ բարձրացման և, ամենայն հավանականությամբ, տնտեսական ճգնաժամի»։
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ