«Ձեռքերդ հեռու Սուրբ Էջմիածնից»․ Մոսկվայում բողոքի ակցիա՝ ի պաշտպանություն Հայ Առաքելական Եկեղեցու
Փետրվարի 5-ին Մոսկվայում՝ Հայաստանի Հանրապետության դեսպանատան դիմաց, տեղի ունեցավ հերթական բողոքի ակցիան՝ ի պաշտպանություն Հայ Առաքելական Եկեղեցու։ Հարյուրավոր հայեր հավաքվել էին՝ իրենց աջակցությունը հայտնելու Հայոց Եկեղեցուն, Ամենայն Հայոց Կաթողիկոս Գարեգին Բ-ին, ձերբակալված հոգևորականներին, ազգային բարերար Սամվել Կարապետյանին և այն հայորդիներին, որոնք, ըստ մասնակիցների, ազատազրկվել են բացառապես իրենց արդար ձայնը բարձրացնելու համար։
Ցույցի մասնակիցների ձեռքին պահված պաստառները հստակ արտահայտում էին բողոքի հիմնական ուղերձը․ «Պաշտպանենք մեր եկեղեցին», «Ձեռքերդ հեռու Սուրբ Էջմիածնից», «Ազատություն սրբազաններին»։ Այդ կոչերը, ինչպես նշում էին ներկաները, ծնված են ոչ թե քաղաքական հաշվարկներից, այլ հավատքից, հոգևոր արժեքների պահպանման և ազգային ինքնության պաշտպանության գիտակցումից։
Մոսկվայի հայ համայնքի ներկայացուցիչները հայտարարում էին, որ Հայաստանի իշխանությունների կողմից եկեղեցու նկատմամբ իրականացվող գործողությունները դիտարկում են որպես անօրինական և հակասահմանադրական, որոնք լուրջ վտանգ են ներկայացնում պետականության և ազգային միասնության համար։ Նրանց խոսքով՝ իրենց փողոց է դուրս բերել քրիստոնեական հավատքը, պատմական հիշողության և սրբազան ժառանգության պահպանման հաստատակամ կամքը, ոչ թե որևէ քաղաքական նպատակադրում։
«Մենք Էջմիածնի հետ ենք» կարգախոսով անցկացված հանրահավաքը կազմակերպվել էր «Նոյի ժառանգորդներ» շարժման կողմից։ Կազմակերպիչների և մասնակիցների պնդմամբ՝ ակցիան հայ համայնքի կամքի ինքնաբուխ դրսևորում էր՝ ուղղված Հայաստանում եկեղեցու նկատմամբ շարունակվող ճնշումներին հակազդելուն։
Բողոքի ակցիայի ընթացքում մասնակիցները մի շարք պահանջներ ուղղեցին Հայաստանի իշխանություններին՝ կոչ անելով դադարեցնել եկեղեցու հանդեպ ճնշումները և ազատ արձակել հոգևորականներին ու նրանց կողմնակիցներին, որոնց նրանք բնութագրում են որպես խղճի բանտարկյալներ։ Նրանց համոզմամբ՝ Հայ Առաքելական Եկեղեցու դեմ ցանկացած հարված ուղղված է ոչ միայն հավատքի, այլև հայ ժողովրդի ինքնության և պատմական հիմքերի դեմ։
Մոսկվայում կայացած այս բողոքի ակցիան ևս մեկ անգամ ցույց տվեց, որ եկեղեցու շուրջ ստեղծված իրավիճակը վաղուց անցել է ներքաղաքական դաշտի սահմանները և դարձել համահայկական մտահոգության առարկա՝ միավորելով տարբեր երկրներում ապրող հայերին մեկ ընդհանուր պահանջի շուրջ՝ պաշտպանել Հայոց Եկեղեցին և նրա սրբությունները։
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ