Ո՛չ մի խնդիր չկա, որ մեր Եկեղեցու անվանը սփյուռքում ավելացվել է ուղղափառ եզրույթը․ Տեր Մաղաքիա
Տեր Մաղաքիա քահանա Օհանյանն իր ֆեյսբուքյան էջում գրել է.
«Օրեր առաջ Սարոյան Արմանը (նախկին Գևորգ եպիսկոպոս) կեղծ և խայտառակ հայտարարություն է արել։
Իբրև թե Գարեգին Բ Կաթողիկոսը կասկածի տակ է դրել Հայոց Եկեղեցու դավանաբանական ինքնությունը՝ Ռուսաստանի և Նոր Նախիջևանի թեմի կանոնադրության մեջ ավելացնելով Ուղղափառ եզրութը։
Վերջինս իր մոլորեցնող հայտարարութամբ փորձում է Հայոց Հայրապետին կապել ռուսական ազդեցության հետ։
Ըստ Արմանի` Վեհափառն այս կերպ մեր Սուրբ Եկեղեցին գաղտնի միացրել կամ ձուլել է Ռուս Եկեղեցուն։
Սա սուտ է և կեղծիք, որը տեղավորվում եկեղեցու դեմ արշավի շրջանակներում։
Հայ Եկեղեցին ուղղափառ եկեղեցի է։ Ավելին չխորանալու դավանաբանական հարցերի մեջ՝ մեր Սուրբ Եկեղեցու ուղղափառությունը հաստատելու համար, միայն բավարար է նշել Սուրբ Պատարագի ընթացքում 4-անգամ հիշատակվող մեր եպիսկոպոսների ուղղափառ լինելու հանգամանքը։ Սակայն մեր ուղղափառությունը ռուս կամ հույն եկեղեցիներից տարբերվում է։ Վերջիններիս հետ Հայ Առաքելական Եկեղեցին չունի կանոնական հարաբերություններ և հաղորդական միություն։
Հայ Եկեղեցին դասվում է հին արևելյան (ոչ քաղկեդոնական՝ ղպտի, ասորի, եթովպեական, հնդիկ-մալանկար) ուղղափառ եկեղեցիների շարքը։
Հետևաբար ո՛չ մի խնդիր չկա, որ մեր Եկեղեցու պաշտոնական անվանը սփյուռքում ավելացվել է ուղղափառ եզրույթը։
Իմիջիայլոց, Հայ Առաքելական Սուրբ Ուղղափառ Եկեղեցի անվանումը ոչ միայն Ռուսաստանում, այլ նաև սփյուռքի մեր շատ գաղթոջախներում է ընդունված։ Եւ ուղղափառ կամ օրթոդոքս եզրույթը Գարեգին Բ Կաթողիկոսից դեռ շատ առաջ է մտել գործածության մեջ։
Հետևաբար Ուղղափառ բառի ավելացումն Առաքելական մեր Սուրբ եկեղեցուն երբեք էլ չի նշանակում դավանաբանական ինքնության կորուստ, առավել ևս ձուլում՝ ինչը խեղաթյուրված ներկայացնում է նախկին Գևորգ եպիսկոպոսը։
Արման Սարոյանը կարող է դիմել դատարան, որը իր մոտ լավ է ստացվում՝ Հայ Եկեղեցու դավանական ինքնությունն ու անկախությունը իբրև թե վերականգնելու համար։
«Եթե մեկը այլ բան ուսուցանի և չանսա այն վարդապետությանը, որը աստվածպաշտության համապատասխան է, այդպիսին գոռոզամիտ է և բռնված է հակառակության խոսքերով, որոնցից առաջ են գալիս նախանձ, հայհոյություն և խարդախություն»(Պողոս Առաքյալ)
«Վայ՜ նրան, ումից կգա գայթակղությունը» (Տեր Հիսուս)
Աստված պահապան Վեհափառ Հայրապետին և մեր Նվիրապետական կարգին»։
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Արայիկ Հարությունյանը մանիպուլացնում է Հայաստանի երկնքով տարանցիկ թռիչքների թեման. «Հետք»