2021-ից հետո կոռուպցիան մեր երկրում շատացել է. թվեր. «Ժողովուրդ»
«Ժողովուրդ» օրաթերթը գրում է.
«Երեկ հրապարակվեցին «Թրանսփարենսի Ինթերնեշնլ» հակակոռուպցիոն կենտրոնի Կոռուպցիայի ընկալման համաթվի (ԿԸՀ) 2025 թվականի տվյալները։ Իհարկե, նույն զեկույցի համաձայն՝ կոռուպցիան ամբողջ աշխարհում խորանում է, ուստի նույնը կարելի է ասել նաև Հայաստանի մասին։ Հայաստանում կոռուպցիայի ընկալումը 2020 թվականից հետո կանգ է առել․ Հայաստանը 182 երկրների ցանկում կոռուպցիայի ընկալման համաթվի արդյունքներով 65-րդ տեղում է։
«Նույնիսկ կայացած ժողովրդավարական երկրներում արձանագրվում է կոռուպցիայի աճ՝ առաջնորդության անկման պայմաններում։ Ամենամյա պարբերությամբ հրապարակվող այս համաթիվը ցույց է տալիս, որ վերջին տասնամյակում ԿԸՀ համաթվի 80-ից բարձր միավոր ստացած երկրների թիվը նվազել է՝ 12-ից հասնելով ընդամենը 5-ի»,- նշված է «Թրանսփարենսի Ինթերնեշնլ»-ի զեկույցում։
ՀՀ Կոռուպցիայի կանխարգելման հանձնաժողովը զեկույցի հրապարակումից հետո փորձեց Հայաստանին «ջրից շոր դուրս բերել»՝ ասելով, թե Հայաստանի՝ ԿԸՀ համաթվի 2025 թ. արժեքը նախորդ տարվա համեմատությամբ նվազել է մեկ միավորով՝ կազմելով 46։
Այնինչ, եթե փորձենք Հայաստանի կոռուպցիոն պատկերը «zoom out» անել՝ փոքրացնել, կտեսնենք, որ 2018-2025 թվականների համեմատությամբ կոռուպցիայի ընկալման ցուցանիշը բարելավվել է, սակայն 2020-ից հետո առաջընթացը կանգ է առել, և նկատվում է թեթև հետընթաց․
2018-2020 → կտրուկ բարելավում (35 → 49)
2020-2025 → բարելավումը կանգ է առել, մի քիչ էլ վատացել (49 → 46)։
Համեմատության համար նշենք, որ 2018 թվականին Կոռուպցիայի ընկալման համաթվի արժեքը կազմել է 35, իսկ 2026 թվականին այն աճել է 10 միավորով։
Այսինքն՝ Հայաստանում կոռուպցիայի ընկալումը 2018 թվականից ի վեր աճել է գրեթե 31,4 %-ով։
Հեղափոխության ժամանակ Նիկոլ Փաշինյանը բարձրագոչ հնչեցնում էր, որ «ոչ մի ձուկ, ոչ մի մուկ չի պլստալու», այնինչ մկներ և ձկներ աճեցին հենց ոչ բռնի և թավշյա հեղափոխությունից հետո։
«2025 թ. 182 երկիր ներառող ԿԸՀ դասակարգման աղյուսակում Հայաստանը Քուվեյթի, Մոնտենեգրոյի (Չեռնոգորիա), Նամիբիայի և Սենեգալի հետ կիսում է 65-69-րդ տեղերը (2024 թ.-ին Հայաստանը կիսում էր 63-64-րդ տեղերը 180 երկրների շարքում)։ Գծապատկեր 2-ում ներկայացված են Եվրոպայի խորհրդի անդամ պետությունների, ներառյալ Հայաստանի, 2024 ԿԸՀ արժեքները։ Ինչպես երևում է գծապատկերից՝ Հայաստանն իր 2025 թ. ԿԸՀ համաթվի արժեքով ԵԽ այն 42 երկրների մեջ, որոնց ԿԸՀ-ն 2025 թվականին հաշվարկվել է, Մոնտենեգրոյի հետ կիսում է 30-31-րդ տեղերը, ընդ որում ԵՄ անդամ 27 երկրներից միայն երեք երկրների (Ռումինիա, Բուլղարիա և Հունգարիա) ԿԸՀ համաթվի արժեքներն են Հայաստանի ԿԸՀ համաթվի արժեքից ցածր։ Սա բավականին համեստ ցուցանիշ է, որը նաև ցույց է տալիս, որ հակակոռուպցիոն բարեփոխումները դեռևս չեն տալիս գործարարների և փորձագետների ակնկալած արդյունքները, որոնց ընկալումները չափում է ԿԸՀ-ն։
Ինչպես երևում է գծապատկերից՝ Հայաստանը ԵԽ երկրների մեջ նույնիսկ միջին հորիզոնականներում չէ։ Սա նշանակում է, որ Հայաստանը դեռևս շատ անելիքներ ունի՝ գրանցելու համար իրական առաջընթաց կոռուպցիայի դեմ պայքարում»,- ասվում է «Թրանսփարենսի Ինթերնեշնլ»-ի զեկույցում»։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է