Թրամփը դիտարկում է նպատակային հшրված Իրանին, որին կհաջորդի ավելի լшյնածավալ հшրձակում

Նախագահ Թրամփն իր խորհրդականներին հայտնել է, որ եթե դիվանագիտությունը կամ ԱՄՆ-ի որևէ նախնական նպատակային հարված չստիպի Իրանին տեղի տալ իր պահանջներին և հրաժարվել միջուկային ծրագրից, նա առաջիկա ամիսներին կդիտարկի շատ ավելի մեծ հարձակում, որի նպատակն է լինելու երկրի առաջնորդներին հեռացնել իշխանությունից, հայտնում է The New York Times-ը:

Բարձրաստիճան բանակցողները ծրագրում են հանդիպել Ժնևում փետրվարի 26-ին՝ վերջին փորձի շրջանակում բանակցություններ վարելու և քննարկելու նոր առաջարկը, որը կարող է ելք հանդիսանալ ստեղծված իրավիճակից, մինչ երկու ավիակիր խմբեր կենտրոնացած են Իրանի դեմ հարվածային հեռավորության վրա:

Նախագահ Թրամփի սպառնալիքը վերջին օրինակն է այն բանի, թե ինչպես է նա փորձում ստիպել իրանցի առաջնորդներին հասկանալ, որ նրանք չունեն այլ ընտրություն, քան հրաժարվել իրենց միջուկային ծրագրի բոլոր ասպեկտներից: 

Թեև վերջնական որոշումներ դեռ չեն կայացվել, խորհրդականները նշում են, որ պարոն Թրամփը հակված է առաջիկա օրերին իրականացնել նախնական հարված, որի նպատակն է Իրանի առաջնորդներին ցույց տալ, որ նրանք պետք է պատրաստ լինեն համաձայնելու հրաժարվել միջուկային զենք ստեղծելու հնարավորությունից:

Դիտարկվող թիրախների թվում են՝ Իրանի Իսլամական հեղափոխության պահապանների կորպուսի կենտրոնակայանը, երկրի միջուկային օբյեկտները և բալիստիկ հրթիռների ծրագիրը: