Անկեղծ ասած, շատ ցավալի է, որ Հայաստանում դեռ շարունակում է նախընտրական ակցիայի տրամաբանությամբ սոցիալական հողի վրա մարդկանց կաշառելու արատավոր պրակտիկան. Աննա Կոստանյան

Ինչպե՞ս եղավ, որ թոշակներն ավելացնելու փող չկար, և մի ամբողջ իշխանության պաշտոնեական գումարտակ լծվել էր արդարացնելու առողջության ապահովագրությամբ թոշակները կոմպենսացնելու որոշումը, հիմա հանկարծ պարզվեց նախագահը ճիշտ էր, վարչապետը սխալ` փողի խնդիր չկա ու ապրիլի 1-ից 10.000 դրամով կավելանա տարեցների կենսական բյուջեն:

 

Պարզ է` թոշակառուները մեծ, ընտրական բարձր մասնակցայնություն ունեցող և արագ արձագանքող ընտրազանգված են։ «+10,000 դրամ»-ը նախընտրական օրակարգում արագ արդյունքի հասնելու երաշխիքներից մեկն է, ասել է թե` ավելացում սոցիալական շոկը մեղմելու համար։ Թոշակառուների բարեկեցության մասին անսպասելի մտահոգվող իշխանությունը շատ լավ հասկանում է, որ սա քաղաքական առավել արդյունավետ տարբերակ է ընտրություններից առաջ կենսաթոշակառուների ձայները հնարավորինս մոբիլիզացնելու համար` 1 ձայնը 10.000 դրամ սկզբունքով և չեզոքացնելու նախորդ հայտարարություններից առաջացած հանրային լայն դժգոհությունը, որին ի դեպ դաշտում առաջինն արձագանքել է ՀայաՔվե ազգային քաղաքացիական միավորումը` ամիսներ շարունակ ՀՀ մարզերում ստորագրահավաքներ իրականացնելով` որպես հանրային պահանջ` բարձրացնելու կենսաթոշակները 50.000%-ով: