Համակարգված զարգացում և միջազգային ներգրավվածություն․ ՀՀՄԱ-ի հերթական նիստի օրակարգը
Այսօր կայացավ Հայաստանի հանքարդյունաբերության և մետալուրգիայի ասոցիացիայի հերթական ժողովը, որի ընթացքում քննարկվեցին կազմակերպության գործունեությանը վերաբերող մի շարք ընթացիկ և ռազմավարական հարցեր։
Օրակարգը ներկայացրեց Ասոցիացիայի նախագահ Վարդան Ջհանյանը։
Քննարկման առանցքային թեմաներից էր Ասոցիացիայի գործունեության շրջանակների ընդլայնման անհրաժեշտությունը՝ պայմանավորված ոլորտում ընթացող գործընթացներով և կազմակերպության առջև դրված նոր մարտահրավերներով։ Անդրադարձ կատարվեց նաև աշխատանքների ծավալի և ծանրաբեռնվածության աճով պայմանավորված անդամավճարների չափի վերանայման հարցին։
Նիստի ընթացքում մասնակիցները քննարկեցին նաև կազմակերպության արդյունավետության բարձրացմանն ուղղված այլ նախաձեռնություններ՝ կարևորելով համակարգված, նպատակային և երկարաժամկետ զարգացմանը միտված աշխատանքի շարունակականությունը։
Օրակարգի կարևոր թեմաներից էր միջազգային համագործակցության ընդլայնումը։ Զանգեզուրի պղնձամոլիբդենային կոմբինատի (ԶՊՄԿ) կայուն զարգացման և կլիմայական փոփոխությունների ավագ խորհրդատու Լուսինե Մանուչարյանը ներկայացրեց անցյալ տարի Լոնդոնում կայացած համաշխարհային Mining ֆորումում Հայաստանի Հանրապետության և Ասոցիացիայի մասնակցության արդյունքները։
Նրա խոսքով՝ միջազգային հարթակում ներկայացվածությունը կարևոր քայլ էր կազմակերպության դիրքերի ամրապնդման, ինչպես նաև ոլորտային համագործակցության հնարավորությունների ընդլայնման տեսանկյունից։ Նա նախաձեռնությունը գնահատեց որպես հաջողված և նշանակալի՝ ընդգծելով նաև բիզնեսի և կառավարության միջև կապերի ամրապնդման կարևորությունը։
Քննարկվեց նաև այս տարի Հայաստանում նախատեսվող «COP17» համաժողովին մասնակցության և ակտիվ ներգրավվածության հարցը։ Նշվեց, որ Ասոցիացիան շահագրգռված է գործընթացին մասնակցելու և ոլորտի պատշաճ ներկայացվածությունն ապահովելու հարցում։ Այդ ուղղությամբ արդեն իրականացվում են կազմակերպչական և նախապատրաստական աշխատանքներ։
Հարկ է նշել, որ ժողովին հեռավար ձևաչափով միացել էին նաև գործընկեր կազմակերպությունների ներկայացուցիչներ։ Նրանք հանդես եկան կարծիքներով և հարցադրումներով, ստացան անհրաժեշտ պարզաբանումներ, ինչի շնորհիվ քննարկումներն անցան կառուցողական և ընդգրկուն մթնոլորտում։
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Անհավասար պայքարի հետքերով. ի՞նչ արձանագրեցին վերջին ՏԻՄ ընտրությունները. «Փաստ»
Մեկնարկում է հայտերի ընդունումը․ «Հայ Վիրտուոզներ» միջազգային ակադեմիա-փառատոն 2027
Հայաստանում գյուղատնտեսությունն այս տարի շեշտակի անկում է ապրել. Նարեկ Կարապետյան
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Իսրայելական ընտրությունների արդյունքները որոշում են խորհրդարանի կազմը, բայց չեն երաշխավորում նոր կառ...
Կստիպեյի ստորագրել որոշում, որ ՀԱՊԿ֊ի անդամ երկրները իրավունք չունեն վաճառելու զենք Ալիևին. Արշակ Կա...